މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ނައިބު ރައީސްކަމަށް ތުޅާދޫ ދާއިރާގެ ކުރީގެ މެމްބަރު ހިސާން ހުސައިން އައްޔަނު ކުރަން އެ ޕާޓީގެ ގައުމީ މަޖިލީހުން ރުހުން ދީފިއެވެ.
އެމްޑީޕީގެ ނައިބު ރައީސްގެ މަގާމަށް މަޖިލީހުގެ ތުޅާދޫ ދާއިރާގެ ކުރީގެ މެމްބަރު އަދި އެމްޑީޕީގެ ލީގަލް ޑައިރެކްޓަރގެ ހިސާން ހުސެއިންގެ ނަން ހުށަހެޅުއްވީ އެޕާޓީގެ ރައީސް އަބުދުﷲ ޝާހިދުއެވެ.
ޝާހިދު ކުރެއްވި އެކްސް ޕޯސްޓެއްގައި ވިދާޅުވީ އެމްޑީޕީއަށް އަށް މެދުކެނޑުމެއް ނެތި ގިނަ ދުވަސްތަކެއް ވަންދެން ޚިދުމަތްކޮށްދެއްވަމުންގެންދަވާ، ޕާރޓީގެ ލީގަލް ޑިރެކްޓަރު އަލްއުސްތާޒާ އެޕާޓީގެ ނާއިބު ރައީސްކަމަށް އައްޔަން ކުރުމަށް ގަސްތުކޮށް، އޭނާ އެ މާގާމަށް ޢައްޔަނު ކުރުމަށް ޤައުމީ މަޖިލީހުގެ ރުހުން އޮތްތޯ ބެލުމަށް އަސާސީ ގަވާއިދުގައި ވާގޮތުގެމަތިން މިއަދު ހުށަހަޅާފައި ވާކަމަށެވެ.
ޝާހިދުގެ އެކްސް ޕޯސްޓުގައި ވިދާޅުވީ ޙިސާން ޙުސެއިން އެމްޑީޕީއަށާއި، ޕާޓީގެ މެމްބަރުންނަށް ކޮށްދެއްވާފައިވާ އިޙްލާސްތެރި ގިނަގުނަ ޚިދުމަތްތަކަށް ބަލާއިރު، އޭނާއަކީ މި މަޤާމަށް އެންމެ އެކަށީގެންވާ ބޭފުޅެއްކަމަށް ދެކޭ ކަމުގައެވެ.
އަދި އެމްޑީޕީގެ ލީޑަރޝިޕްގައި މިވަގުތު އަންހެން ބޭފުޅުން މަދުކަމާއެކު މި ނިންމުމުގައި އެކަމަށްވެސް އަޅުގަޑު ރިއާޔަތް ކޮށްފައިވާނޭކަމަށްވެސް ޝާހިދު ވިދާޅުވެފައި ވެއެވެ..
