މިހާރު ކުރިޔަށް ދަނީ އައްޑޫ ބުރިޖަށް ފައިސާ ހަމަޖެއްސުމުގެ މަސައްކަތް ކަމުގައި އިންފްރާސްޓްރަކްޗަރ މިނިސްޓަރ މުއްތަލިބު ވިދާޅުވެއްޖެއެވެ.
ރައްުޔިތުންގެ މަޖިލިހުގައި މިއަދު މެމްބަރުން ކުރެއްވި ސުވާލުތަކަށް ޖަވާބު ދެއްވަމުން މިނިސްޓަރ މުއްތަލިބު ވިދާޅުވީ އައްޑޫ ބްރިޖްގެ މަސައްކަތް ކޮންޓެރްކްޓަރއަކާ ހަވާލުކުރީ އެ ކުންފުންޏަކީ މަސައްކަތް ކުރުމުގެ ގާބިލްކަން ހުރި ކުންފުންޏަކަށް ވާތީ ކަމަށް ކަމަށާއި، އެ ޕްރޮޖެކްޓަށް ފައިނޭންސް ހަމަޖެއްސުމަށް ހަމަޖެހިފައިވަނީވެސް އެ ކުންފުނިން ކަމުގައެވެ.
އެހެންނަމަވެސް ލޯން ނަގާނީ ދިވެހި ސަރުކާރުން ކަމުގައިކަމަށް ވިދާޅުވަމުން މުއްތަލިބު ވިދާޅުވީ، އެމްއޯޔޫއެއްގެ ދަށުން ފައިސާ އެރޭންޖު ކޯށްދިނުމުގެ މަސްއޫލިއްޔަތަކީ އެކުންފުނީގެ މަސްއޫލިއްޔަތެއް ކަމަށެވެ. މުއްތަލިބު ވިދާޅުވީ ފައިސާ ހަމަޖެހުމުގެ ކުރިން ސަރުކާރުން ކޮންޓްރެކްތްގެ ތެރެއަށް ވަންނަން ބޭނުން ނުވާކަމަށާއި، އެފަރާތުން ހުށަހެޅި ބައެއް ފަރާތްތަކާ މިހާރު މަޝްވަރާ ކުރަމުން ކަމަށެވެ.
އެގޮތުން އެފަރާތުން ހުށަހެޅި ފައިނޭންސިން އޮޕްޝަންތަކަކީ ސަރުކާރަށް ގަބޫލު ނުކުރެވޭ ކަންކަން ކަމުގައިވާނަމަ، އެހެން ފަރާތަކާއެކީ ސަރުކާރުން މަޝްވަރާ ކުރާނެކަމުގައިވެސް މުއްތަލިބު ވިދާޅުވިއެވެ.
ހިތަދޫ އާއި ހުޅުމީދޫ ގުޅުވާލާ އައްޑޫ ބުރިޖުގައި 23 ކިލޯމީޓަރު ހުރެއެވެ. ހިތަދޫ އާއި ހުޅުމީދޫ ގުޅުވާލާ ބުރިޖުގެ ޕްލޭނިން މަސައްކަތް ހަފްތާ 14ގައި ވަނީ ހިމަނާފައެވެ. އަދި އެމަސައްކަތަށް ބަޖެޓުގައި 30 މިލިއަން ހިމަނާފައި ވެއެވެ.
