ރައީސް މުއިއްޒުގެ ސިޔާސަތަކީ ލަވާ ހަޅޭކަށް ރައްދު ނުދީ ލަވާ ހަޅޭކަށް ރައްދު ނުދީ، އަމަލީގޮތުން މަސައްކަތް ކުރުން ކަމުގައި މިނިސްޓަރ އެޓް ދަ ޕްރެޒިޑެންޓްސް އޮފީސް ފޮރ ޕްރެޒިޑެންޝަލް އެފެއާޒް ޢަލީ އާރިފް މިރޭ ވިދާޅުވެއްޖެއެވެ.
ޕީއެންސީގެ ޖަގަހާގައި މިރޭ ބޭއްވުނު ޖަގަހަ ޖަލްސާގައި ވާހަކަ ދައްކަވަމުން އަލީ އާރިފް ވިދާޅުވީ، ރައީސް މުއިއްޒު މަސައްކަތް ކުރައްވަމުން ގެންދަވަނީ ރައްޔިތުންގެ ހައްގުގައި މަސައްކަތްކުރެއްވުމަށް ކަމަށާއި، ތަނެއްގައި ލަވާ ހަޅޭކަކަށް ރައްދު ދިނުމަކީ އެމަނިކުފާނުގެ މަގުސަދެއް ނޫން ކަމުގައެވެ.
ޢަލީ އާރިފް ވިދާޅުވީ، ރައީސް މުޢިއްޒަކީ ނޭއްގާނީ ސިފައެއްގައި ވެސް އެ މަނިކުފާނަށް ދެއްވާ ރައްދުތަކަށް ރައްދު ދެއްވަން ބޭނުންފުޅުވާ ބޭފުޅެއްނޫން ކަމަށެވެ. އެހެންވެ މާގިނަ ހުއްދަތަކެއްނެތް ކަމަށާއި، ގިނައީ ދެއްކުން މަނާ ވާހަކަ ކަމަށް އޭނާ ވިދާޅުވިއެވެ.’އެމަނިކުފާގެ ސިޔާސަތަކީ އަމަލީގޮތުން ރައްޔިތުންނަށް ޚިދުމަތްކުރުން، ރައްޔިތުންގެ ހައްގުގައި މަސައްކަތްކުރުން، ތަނެއްގައި ލަވާ ހަޅޭކަކަށް ރައްދު ދިނުމެއްނޫން'.
ޢަލީ އާރިފް ވިދާޅުވިއެވެ.
ޢަލީ އާރިފް ވިދާޅުވިގޮތުގައި، މިހާތަނަށް އައިއިރު ރައީސް މުޢިއްޒާއި ބެހޭގޮތުން، އެ މަނިކުފާނު ކުރަށްވާފައި ވަނީ މިވެނި އެވެނި ކަމެކޭ ނުވަތަ އެވެނި މިވެނި ގޮތަކޭ ކިޔައިގެން ދެއްކި އެއްވެސް ވާހަކައަކަށް ރައްދުދެއްވާފައި ނުވާކަމަށެވެ. އަދި އެކަމަށް ރައްޔިތުން ހެކިވާނެ ކަމަށެވެ.
ރައީސް މުޢިއްޒު ވާދަކުރެއްވި ކޮންމެ އިންތިޚާބެއްގައި އެހާ ތަނަވަސް އަގުލަބިއްޔަތަކުން އެމަނިކުފާނަށް ރައްޔިތުން ވޯޓުދިން ސަބަބަކީ އެއީކަން ޢަލީ އާރިފްގެ ވާހަކާގައި ވަނީ ފާހަގަކުރައްވާފައެވެ.
އަލީ އާރިފް ވިދާޅުވީ ރައްޔިތުން ބަލައިގަންނަނީ އިޚްލާސްތެރިކަންކަމަށާއި، އެމަނިކުފާނަށް ރައްޔިތުންނަށް ވޯޓުދިނީ ރައީސް މުޢިއްޒުގެ އިޚްލާޞްތެރި ނިޔަތާއި، އެމަނިކުފާނުގެ ތަސައްވުރު ރައްޔިތުންނަށް ކަމުދާތީ ކަމުގައެވެ.
