އިސްލާމީ އިލްމު ދިވެހި ބަހަށް ތަރުޖަމާކުރުމުގެ ގޮތުން ރާއްޖޭގައި ރަސްމީކޮށް ކުރިއަށް ގެންދެވޭ އެންމެ ބޮޑު އެއް މަޝްރޫޢު އިސްލާމިކް މިނިސްޓްރީން އިޢުލާންކޮށްފިއެވެ.
އިސްލާމިކް މިނިސްޓަރ ޑރ. ޝަހީމް ކުރެއްވި އެކްސް ޕޯސްޓެއްގައި ވިދާޅުވީ މި މަޝްރޫޢުގެ ދަށުން މުހިންމު 6 ރިފެރެންސް ފޮތް ދިވެހި ބަހަށް ތަރުޖަމާކުރެވިގެންދާނެ ކަމުގައެވެ.
އިސްލާމީ އިލްމު ދިވެހި ބަހަށް ތަރުޖަމާކުރުމުގެ ގޮތުން ރާއްޖޭގައި ރަސްމީކޮށް ކުރިއަށް ގެންދެވޭ އެންމެ ބޮޑު އެއް މަޝްރޫޢު އިޢުލާންކޮށްފި. މި މަޝްރޫޢުގެ ދަށުން މުހިންމު 6 ރިފެރެންސް ފޮތް ދިވެހި ބަހަށް ތަރުޖަމާކުރެވިގެންދާނެ. pic.twitter.com/IfKiSmAMwc
— Mohamed Shaheem Ali Saeed (@Mohamedshaheem1) July 10, 2024
ޑރ. ޝަހީމް އިތުރަށް ވިދާޅުވީ މި ފޮތްތައް ތަރުޖަމާ ކުރެވިގެން ދިއުމުން، ފަނޑިޔާރުންނާއި ޤާނޫނީ ވަކީލުންނާއި އިސްލާމީ އެކި ދާއިރާތަކުން ކިޔަވާ ފަރާތްތަކަށް ވަރަށް ބޮޑު ފަސޭހައެއް ލިބިގެންދާނެ ކަމުގައެވެ.
