ރަސްމީ ފާލަން ރަގަޅު ފެންވަރަކަށް ހެދުމަކީ މުހިންމު ކަމެއްކަމުގައި އިންފްރާސްޓްރަކްޗަރ މިނިސްޓަރ މުއްތަލިބު ވިދާޅުވެއްޖެއެވެ.
އިގްތިސާދީގޮތުން ދަތި ދަނޑިވަޅެއްގައި ރަސްމީ ފާލަން ބޮޑު ޚަރަދެއް ކޮށްގެން ގައުމިއްޔަތާއި ސަގާފަތް ރަމްޒު ކޮށްދިނުމަށް ހަދަމުންންދާތީ ސޯޝަލް މީޑިއާގައި ބައެއް ފަރާތްތަކުން އަމާޒުކުރި ފާޑުއިއުންތަކަށް ރައްދުދެމުން މުއްތަލިބު ވިދާޅުވީ ރަސްމީ ފާލަމަކީ ވަރަށް ގިނަ ޓޫރިސްޓު ރިސޯޓުތަކުން ފީ ދައްކައިގެން ދައުލަތަށް އާމްދަނީ ލިބޭގޮތަށް ބޭނުންކުރާ ފާލަމަކަށްވުމާއެކު މިފާލަން ރަނގަޅު ފެންވަރަކަށް ހެދުމަކީ މުހިއްމު ކަމުގައެވެ.
އޭނާ އިތުރަށް ވިދާޅުވީ ރަސްމީ ފާލަން މަރާމާތުނުކޮށް އެތައް އަހަރެއްވުމުގެ ސަބަބުން ފާލަމުގެ މަތީބައި ހަލާކުވެ ނުރައްކާތެރި ހާލަތަކަށް ދިއުމާ ގުޅިގެން ފާލަމުގެ މަތީ ބައި އަލުން ހެދުމަށް ނިންމައި އެމްޓީސީސީއާ އެކު އެއްބަސްވުމުގައި ސޮއިކޮށްފައިވަނީ *14 އޮގަސްޓް 2023* ގައި ކަމުގައެވެ.
