ޑެންގީ ހުން ޖެހިގެން 7 ކުއްޖަކަށް އައިޖީއެމް ހޮސްޕިޓަލްގައި ފަރުވާދެމުންދާ ކަމަށާއި އޭގެ ތެރެއިން އެއް ކުއްޖަކަށް ފަރުވާ ދެމުންދަނީ އައިސީޔޫގައި އެޑްމިޓް ކޮށްގެން ކަމުގައި ކުޑަކުދިންގެ ޚާއްސަ ޑޮކްޓަރ އަހުމަދު ފައިސަލް ވިދާޅުވެއްޖެއެވެ.
ފައިސަލް މިހެން ވިދާޅުވީ ޕީއެސްއެމް ރާއްޖެ މިއަދު ޕްރޮގްރާމްގައި ވާހަކަ ދައްކަވަމުންނެވެ.
ޑެންގީހުން ވަރަށް ގިނަ، ބާއްވައިގެން މިހާ އަދަދެއްގެ ކުދިންނަށް ފަރުވާދެމުންދާއިރު، ބަލި ކުޑަކޮށް ހުއްޓަސް ނާންނަ ކުދިންގެ އަދަދު ވެސް އިތުރުވާނެ. ހުމާއި ރޯގާ މިދުވަސްކޮޅު އިތުރު.
ޑރ. ފައިސަލް ވިދާޅުވިއެވެ.
މަދިރީގެ ޒަރީއާއިން ފެތުރޭ ޑެންގީ ހުން ޖެހިގެން ފާއިތުވި މޭމަހު އެކަނިވެސް 610 މީހަކު ރިޕޯޓު ކޮށްފައިވާކަމަށް އެޗްޕީއޭއިން ބުނެފައި ވެއެވެ. މިއީ އެޕްރިލްމަހާ އަޅާބަލާއިރު ޑެންގީ ހުމަށް ޕޮޒިޓިވް ވީމީހުންގެ އަދަދު އިތުރު އަދަދެކެވެ. އޭޕްރީލް މަހު ޑެންގީ ހުން ޖެހިފައިވަނީ 247 މީހަކަށެެވެ.
