އިޒްރޭލުގެ ގަތުލުއާންމާ ދެކޮޅު ހަދާ ފަލަސްތީނާއެކު ދިވެހީން ތިބިކަން ހާމަކޮށް ފަލަސްތީނު މިނިވަންކުރަން ގޮވާލަން މާލޭގައި މިއަދު ބޭއްވި އެއްވުމެއް ބާއްވައިފިއވެެ. މިއެއްވުމިގައި ގިނަބަޔަކު ބައިވެރިވިއިރު، އެއްވުމުގައިވަނީ ރާއްޖެއަށް އިޒްރޭލުގެ މީހުން އައުން މަނާކުރުމަށް ގޮވާލާފައެވެ.
މި އެއްވުމުގައި ކުރީގެ ނާއިބު ރައީސް ފައިސަލް ނަސީމްވެސް ވަނީ ބައިވެރިވެވަޑައިގެންފައެވެ.
އޮންނާނެއެވެ.
"ރަފަހް އަނދަނީ" ނަމުގައި ބޭއްވި މި އެއްވުންއޮތީ މިއަދު ހަވީރު 4:00 ގައި އާޓިފިޝަލް ބީޗުގައެވެ.
މިއީ އިސްރާ އެސޯސިއޭޝަނުން އިސް ނަގައިގެން ބައެއް ޖަމިއްޔާތަކާ ގުޅިގެން ބޭއްވި އެއްވުމެކެވެ.
މިދިޔަ އޮކްޓޯބަރު 7 އިން ފެށިގެން އިސްރާއީލުން ފަލަސްތީނުގެ ޣައްޒާގައި ހިންގަމުންގެންދާ ގަތުލުއާންމުގައި މިހާތަނަށް އައިއިރު، 36،000 އަށް ވުރެ ގިނަ ރައްޔިތުން ވަނީ ޝަހީދުކޮށްލައިފައެވެ. އަދި އެ ހަމަލާތަކުގައި 80،000 އަށް ވުރެ ގިނަ މީހުން ވަނީ ޒަހަމްކޮށްލައިފައެވެ. އިސްރައީލްގެ ހަމަލާތަކުގައި 15،000 އަށް ވުރެ ގިނަ ކުޑަކުދިން ޝަހީދުކޮށްލާފައިވާ އިރު، 10،000 އަށް ވުރެ ގިނަ މީހުން ވަނީ ވީނުވީއެއް ނޭނގި ގެއްލިފައެވެ. އެމީހުން ބެލެވޭ ގޮތުގައި ތިބީ އިމާރާތްތަކުގެ ދަށުވެފައެވެ.
އިސްރާއީލާ ދެކޮޅަށް ރާއްޖޭގައި މީގެކުރިން ވެސް ހަރަކާތްތަކެއް ބޭއްވިއެވެ.
ފަލަސްތީނުގެ ޣައްޒާގެ ރައްޔިތުންނާ ދެކޮޅަށް މީގެ ދެރޭ ކުރިން ޔަހޫދީ ޒަޔަނިސްޓް ހަނގުރާމަވެރިން ވަނީ ރަފަހު ސިޓީގައި ބޮޑު ލާއިންސާނީ ގަތުލުއާންމެއް ހިންގައިފަ އެވެ. ރަފާހުގެ ގޯތި ގެދޮރު ތަޅާލުމުގެ ސަބަބުން މަގުތައް މަތީ ދިރިއުޅެންޖެހިފައިވާ އެތައް ސަތޭކަ ފަލަސްތީނުގެ ކުޑަކުދިންނާއި އަންހެނުން ތިބި ފޭލިގެތަކެއްގައި ހުޅުޖަހައި ވަނީ އަންދާލައިފަ އެވެ.
މި ޖަރީމާގެ ސަބަބުން ޔަހޫދީންނަށް ސަޕޯޓްކުރާ ބައެއް ވިލާތުގެ އިއްތިހާދުގެ ގައުމުތަކުން ވެސް ވަނީ އެކަންށް ކުށްވެރިކޮށްފަ އެވެ.
