ބޮޑު ކާމިޔާބެއް ހޯދަައިފައިވާ ފިލްމް "ޕުޝްޕާ" ގެ ދެވަނަ ފިލްމް "ޕުޝްޕާ 2: ދަ ރޫލް" އިން ދެވަނަ ލަވައެއް އާންމުކޮށްފި އެވެ.
ލަވައިގެ ރަސްމީ ވީޑިއޯގެ ބަދަލުގައި އާންމުކޮށްފައި ވަނީ ލަވައިގެ ޝޫޓިންގެ ތެރޭގެ މަންޒަރުތަކެވެ. އެގޮތުން ފިލްމުގެ ލީޑް ތަރިން ކަމަށްވާ އައްލޫ އަރުޖުން އާއި ރަޝްމިކާ މަންދަނާގެ ނެށުންތަކެއް ފެނިގެންދާނެ ލަވައިގެ ސެޓްގެ އެކިއެކި ހަރަކާތްތައް ދައްކުވައި ދީފައިވެ އެވެ.
މި ލަވައިގެ ހިންދީ ވާޝަނުގެ ނަމަކީ "އަންގާރޯ" އެވެ. އަދި ލަވަ ކިޔާފައި ވަނީ ޝްރެޔާ ގޯޝާލް އެވެ. ދޭވީ ސްރީ ޕްރަސާދުގެ މިއުޒިކަށް ހަދާފައިވާ ލަވައިގެ ނެށުން ތައްޔާރުކޮށްފައި ވަނީ ގަނޭޝް އަޗާރިއާ އެވެ.
ޕުޝްޕާ އަކީ ގިނަ ރެކޯޑްތަކެއް މުގުރާލި އަދި 2021 ވަނަ އަހަރުގެ އެންމެ ކާމިޔާބު އެއް ފިލްމްވެސް މެއެވެ. މި ފިލްމް އަކީ ބޮޑު އާމްދަނީއެއް އެއަހަރު ހޯދުނު މަދު ފިލްމްތަކުގެ އެންމެ ކުރިން ޖާގަ ހޯދާ ފިލްއެކެވެ.
View this post on Instagram
މި ޓީޒާގެ ހައިލައިޓްތަކަކީ އައްލޫ ސާޅީގައި ނެށުމާއި ތަޅާފޮޅުންތަކެއް ދައްކައިލުމެވެ. މި އަހަރުގެ އެންމެ އުންމީދީ ފިލްމުތަކުގެ ތެރޭގައި ހިމެނޭ "ޕުޝްޕާ 2″ ސިނަމާތަކަށް ދޫކޮށްލަން ހަމަޖެހިފައި ވަނީ އޮގަސްޓް 15 ގަ އެވެ.
