މި އަހަރު އެންމެ މޮޅު އެކްޓަރުގެ ނެޝަނަލް އެވޯޑް ހާސިލު ކުރި ސައުތުގެ މަޝްހޫރު އެކްޓަރު އައްލު އަރުޖުންގެ ކާމިޔާބު ފިލްމް "ޕުޝްޕާ" ގެ ދަވަނަ ބައި "ޕުޝްޕާ 2: ދަ ރޫލް" ގެ އައިޓަމް ލަވަ ބޮލީވުޑްގެ ބަތަލާ ޓްރިޕްތީ ދިމްރީ ހިމަނައިގެން ގެނެސްދޭން ނިންމާފައިވާ ކަމަށް ރިޕޯޓްތައް ބުނެފި އެވެ.
މީޑިއާތަކުން ބުނީ އެ ލަވައިގެ ޝޫޓިން އަންނަ މަހުގެ ތެރޭގައި ފަށާނެ ކަމަށާއި އެކަމަށް ހާއްސަކޮށްގެން މިހާރި ސެޓެއް ވެސް ހެދުމުގެ މަސައްކަތް ވެސް ކުރަމުން އަންނަ ކަމަށެވެ. މި އައިޓަމް ލަވައިގައި ޓްރިޕްތީއާ އެކީ އައްލޫ ވެސް ފެންނާނެ އެވެ.
ޕުޝްޕާ އަކީ ގިނަ ރެކޯޑްތަކެއް މުގުރާލި އަދި 2021 ވަނަ އަހަރުގެ އެންމެ ކާމިޔާބު އެއް ފިލްމްވެސް މެއެވެ. މި ފިލްމް އަކީ ބޮޑު އާމްދަނީއެއް އެއަހަރު ހޯދުނު މަދު ފިލްމްތަކުގެ އެންމެ ކުރިން ޖާގަ ހޯދާ ފިލްއެކެވެ.
"ޕުޝްޕާ" ގައި ހިމެނުނު އައިޓަމް ލަވަ "އޫ އަންޓަވާ" އިން ބަތަލާ ސަމަންތޫ ރޫތު ޕްރަބޫ ގެ މޮޅު ނެށުންތަކެއް ވަނީ ފެނިގެން ގޮސްފައިއެވެ. އަދި ހަމަ އެހެންމެ އާންމުންގެ ތެރޭގައި ވަރަށް ބޮޑު މަގުބޫލު ކަމެއް މި ލަވަ ހޯދިއެވެ.
"ޕުޝްޕާ 2: ދަ ދޫލް" ސިނަމާތަކަށް ގެންނާނީ އަންނަ އަހަރުގެ މިނިވަން ދުވަހު ކަމަށެވެ. އެއީ އޮގަސްޓް 15 ގަ އެވެ. އެހެންކަމުން މި ފިލްމްގެ އިންތިޒާރުގައި ތިބި ބެލުންތެރިންގެ އިންތިޒާރުގެ ނިމުން އަންނީ 2024 ގެ އޮގަސްޓް 15 ގައިއެވެ.
