ފަގީރުންނާއި މިސްކީނުންގެ ދަފްތަރުގައި ރަޖިސްޓްރީވުމަށް ފުރުސަތު ހުޅުވާލައިފިއެވެ. މި ދަފްތަރުގައި އަލަށް ރަޖިސްޓްރީވުމަށް ފުރުސަތު ހުޅުވާލާފައިވަނީ އިއްޔެއިން ފެށިގެންނެވެ.
ފަގީރުންނާއި މިސްކީނުންގެ ދަފްތަރުގައި ރަޖިސްޓްރީވުމަށް މިހާރު ފޯމު ދޫކުރަން ފަށާފައިވާއިރު، ފޯމު ބަލައިގަތުމަށް ހަމަޖެހިފައިވަނީ ރަސްމީ ބަންދު ނޫން ކޮންމެ ދުވަހެއްގެ ހެނދުނު ނުވަޔަކުން މެންދުރު އެކަކަށެވެ.
ފަގީރުންނާއި މިސްކީނުންނަށް މުދަލުގެ ޒަކާތް ދޫކުރުމަށް ހަމަޖެހިފައިވަނީ ހިޖުރީ އަހަރުގެ ހައްޖުމަހުގެ ފިރަތަމަ ދުވަހާއި ހަމައަށް ދަފްތަރުގައި ރަޖިސްޓްރީވާ މީހުންނަށެވެ. ޒަކާތު ހައުސްއިން ބުނެފައިވަނީ މިއަހަރު މުދަލުގެ ޒަކާތުގެ ފައިސާ ޖަމާކުރާނީ ޖޫންމަހުގެ 8 ވަނަ ދުވަހުއެވެ.
