އިސްރާއީލުގެ ހަތުޔާރުއެޅި ޓެންކުތައް ޢައްޒާގެ ޖަބަލިއާ ކޭމްޕަށް ވަދެގެންފިއެވެ.
މީގެ ހަފުތާއެއްހާ ދުވަސް ކުރިން ޣައްޒާގެ އުތުރުގައި އޮންނަ ޖަބާލިއާގެ ހަނި ގޯޅިތަކުގައި ހަމާސްގެ ހަނގުރާމަވެރިން ދަނީ އިސްރާއީލު ސިފައިންނާއި ދެކޮޅަށް ހަނގުރާމަ ކުރަމުންނެވެ.
ޣައްޒާގެ ތާރީޚީ 8 ރެފިއުޖީ ކޭމްޕްގެ ތެރެއިން އެންމެ ބޮޑު ޖަބަލިއާގެ މެދުތެރެއަށް އިސްރާއީލުގެ ޓޭންކުތަކާއި ހަތިޔާރު އެޅި އުޅަނދުތައް ވަދެފައިވާ ކަމަށް އެސަރަހައްދުގެ ރައްޔިތުން ބުނެއެވެ.
އިސްރާއީލުގެ ޓޭންކުތައް ޖަބަލިއާގެ މަގުތަކުން ވަދެގެންދާއިރު، ބުލްޑޯޒަރުން ދަނީ ގެތަކާއި ފިހާރަތައް ތަޅާލަމުންނެވެ.
"ޓޭންކުތަކާއި މަތިންދާބޯޓުތަކުން މީހުން ދިރިއުޅޭ ޑިސްޓްރިކްޓްތަކާއި މާރުކޭޓުތަކާއި ފިހާރަތަކާއި ރެސްޓޯރެންޓްތަކާއި ހުރިހާ އެއްޗެއް ފޮހެލަނީ. މި ހުރިހާ ކަމެއް ވެސް ހިނގަމުން މިދަނީ ދުނިޔޭގެ ކުރިމަތީގައި،" ހުޅަނގު ޖަބަލިއާއަށް ނިސްބަތްވާ އައިމަން ރަޖަބް ބުންޏެވެ.
ފާއިތުވި ދުވަސްތަކުގައި އިސްރާއީލު ސިފައިން ފަލަސްތީނުގެ 60 އަށް ވުރެ ގިނަ ހަނގުރާމަވެރިން ޝަހީދުކޮށްލާފައިވާއިރު، މިއީ "ޑިވިޝަނަލް ލެވެލްގެ ހަމަލާއެއް" ކަމަށް އިޒްރޭލުގެ އަސްކަރިއްޔާއިން ވަނީ ސިފަކޮށްފަ އެވެ.
ހަމާސް އިން ވެސް ވަނީ އިސްރާއީލު ސިފައިންނަށް ބޮޑެތި ހަމަލާތަކެއް ދެމުން އަންނަ ކަމަށް ބުނެފަ އެވެ.
