އިސްރާއީލުން ފަލަސްތީނުގެ ޢައްޒާއަށް ދެމުންދާ އުދުވާނީ ހަމަލާތަކުގައި ޝަހީދުވި ފަލަސްތީނު ރައްޔިތުންގެ އަދަދު 35،000 އަށް އަރައިފިއެވެ.
ފަލަސްތީނުގެ ރަސްމީ ފަރާތްތަކުން އާންމުކޮށްފައިވާ ތަފާސްހިސާބުތަކުން ދައްކާ ގޮތުގައި އިސްރާއީލުގެ އުދުވާންގައި މިހާތަނަށް އައިއިރު ޢައްޒާގައި 35،034 މީހުންވަނީ ޝަހީދުވެފައެވެ. އަދި ހަމާސްއިން 2023ގެ އޮކްޓޯބަރުގައި އިސްރާއީލަށް ދިން ކުއްލި ހަމަލާއަށްފަހު ހުޅަނގު އައްސޭރީގައިވަނީ ފަލަސްތީނުގެ 498 މީހުން ޝަހީދު ވެފައެވެ.
ޢައްޒާއަށް މި މުއްދަތުގައި އިސްރާއީލުން ދެމުންދާ ހަމަލާތަކުގައި 78،755 މީހުންނަށް އަނިޔާވެފައިވާއިރު ހުޅަނގު އައްސޭރީގައިވަނި 4،950 މީހުންނަށް އަނިޔާ ވެފައެވެ.
މި މުއްދަތުގައި މަރުވެފައިވާ އިސްރާއީލު ރައްޔިތުންގެ އަދަދަކީ1،139 މީހުންނެވެ. އަދި 8،730 މީހުންނަށް ވަނީ އަނިޔާ ވެފައެވެ.
އިސްރާއީލުން މިހާރު ތައްޔާރު ވަމުންދަނީ ޣައްޒާގެ މުޅި އާބާދީ މިހާރު ތޮށްޖެހިފައިވާ ރަފަހައަށް ހަމަލާ ދިނުމަށް ތައްޔާރު ވަމުންނެވެ. އެގޮތުން މިހާރު އެގައުމުން ދަނީ ރަފަހަގެ ބޯޑަރު ސަރަހައްދަށް ހަމަލާތައް ދެމުންނެވެ.
އެހެންނަމަވެސް 1.5 މިލިއަންގެ ބޮޑު އާބާދީއެއް ތޮށްޖެހިފައިވާ ރަފަހައަށް އަރައި ނުގަތުމަށް ދުނިޔޭގެ ގައުމުތަކުން ދަނީ އިސްރާއީލަށް އަންގާ އިލްތިމާސް ކުރަމުންނެވެ.
