އަންނަ އަޟުހާ އީދު ނަމާދުވެސް ބޮޑު ޖަމާއަތުގައި ބޭއްވުމަށް ނިންމާ، އެކަމަށްޓަކާ ވާންޖެހޭ ތައްޔާރީތައް އިސްލާމިކް މިނިސްޓްރީން ވާން ފަށައިފިއެވެ.
އެގޮތުން އިސްލާމިކް މިނިސްޓްރީން މިހާރުވަނީ 1445 ވަނައަހަރުގެ އަޟްޙާ ޢީދު ނަމާދުގެ ބޮޑުޖަމާޢަތުގެ ސައުންޑް ހަމަޖައްސައިދޭނެ ފަރާތެއް ހޯދުމަށް އިއުލާން ކޮށްފައެވެ.
އެ އިއުލާންގައި ވާގޮތުން ޟްޙާ ޢީދު ނަމާދުގެ ބޮޑުޖަމާޢަތް ބޭއްވުމަށް މާފަންނު ސްޓޭޑިއަމް ސަރަޙައްދާއި، ވިލިމާލެ ބޯޅަދަނޑު، ހުޅުމާލެ ފޭސް 1ގެ ސިންތެޓިކް ޓްރެކް ސަރަހައްދު، އަދި ހުޅުމާލެ ފޭސް2 ގެ ކްރިކެޓް ސްޓޭޑިއަމްގައި ބޮޑު ޖަމާއަތް ބޭއްވުމަށް ވަނީ ހަމަޖައްސާފައެވެ.
މި ބީލަން ހުޅުވާލެވިފައިވަނީ، ވިޔަފާރި ރަޖިސްޓްރީ ކުރުމުގެ ޤާނޫނު (ޤާނޫނު ނަންބަރ: 18/2014) ގެ ދަށުން ވިޔަފާރި ރަޖިސްޓްރީ ކޮށްފައިވާ ކުދި އަދި މެދު ފަންތީގެ ވިޔަފާރިތަކަށެވެ. އަދި ބީލަމުގައި ރަޖިސްޓްރީ ކުރުމަށް ހުޅުވާލާފައިވަނީ 2024 މޭ 12 ވާ އާދީއްތަ ދުވަހުގެ 18:00 އާއި ހަމައަށެވެ.
ކަލަންޑަރުގައި ވާގޮތުން މި އަހަރުގެ އަޟުހާ އީދު ދުވަހަކީ ޖޫންމަހުގެ 16 ވަނަ ދުވަހެވެ.
