ގެމްބިއާގެ ވެރިރަށް ބަންޖުލްގައި ބާއްވާ 15 ވަނަ އޯއައިސީ ގައުމުތަކުގެ ވެރިންގެ ބައްދަލުވުން ކުރިއަށްދާނީ މިމަހުގެ 4 އިން 5 އަށެވެ. މި ބައްދަލުވުމުގައި 57 ގައުމެއްގެ އިސްވެރިން ބައިވެރިވެވަޑައިގަތުމަށް ވަނީ ހަމަޖެހިފަ އެވެ.
އޯ.އައި.ސީގެ 15 ވަނަ އިސްލާމިކް ސަމިޓުގައި ބައިވެރިވެވަޑައިގަތުމަށް، ރައީސް ޑރ. މުޙައްމަދު މުޢިއްޒު ކަނޑައެޅުއްވި ޚާއްސަ މަންދޫބުގެ ގޮތުގައި އިސްލާމީ ކަންތައްތަކާބެހޭ ވަޒީރު ޑރ. މުޙައްމަދު ޝަހީމް އަލީ ސަޢީދު ރަސްމީ ދަތުރުފުޅެއްގައި މިއަދު ގަމްބިއާ އަށް ފުރާވަޑައިގެންފި pic.twitter.com/wvZ7dzWIhy
— Ministry of Islamic Affairs (@MVIaffairs) May 2, 2024
ގެމްބިއާގައި ބާއްވާ މިފަހަރު ބައްދަލުވުމުގެ މައިގަނޑު ތީމަކީ މަޝްވަރާކުރުމާއިއެކު ގުޅުންތައް ބަދަހިކޮށް ދެމެހެއްޓެނިިވި ތަރައްޤީއަށް މަސައްކަތް ކުރުމެވެ.
އޯއައިސީގެ މި ފަހަރުގެ ސަމިޓްގައި ފަލަސްތީނުގެ މައްސަލަ ވެސް ވަނީ އެޖެންޑާ ކޮށްފަ އެވެ.
ފަލަސްތީނުގެ މައްސަލާގައި ރާއްޖެ އިން އިއްޔެ ވަނީ އދ. ގައި އެ ގައުމުގެ ހައްގުގައި ވަކާލާތުކޮށްފަ އެވެ.
