ސަރުކާރުގެ ފަރާތުން މަޖިލީހަށް ހުށައެޅި "ދިވެހި ރާއްޖޭގެ ބިމާއި ބެހޭ ބިލް" ހުށައެޅުއްވީ މަޖިލީހުގެ މައިނޯރިޓީ ލިޑަރު ފޮނަދޫ ދާއިރާގެ މެމްބަރު މޫސާ ސިރާޖުއެވެ.
މި ބިލަށް ވާހަކަ ދައްކަވަމުން މަޖިލީހުގައި ނައިބް ރައީސްކަންވެސް ކުރައްވާ ހޯރަފުށީ ދާއިރާގެ މެމްބަރު އަހްމަދު ސަލީމް ވިދާޅުވީ މި ބިލަކީ ޑިމޮކްރަސީއާ ބީރައްޓެހި ރައްޔިތުންގެ ބާރު ކެނޑޭގޮތަށް ފަރުމާކޮށްފައިވާ ބިލެއްކަމަށެވެ. އަދި އޭނާ ވިދާޅުވީ މި ބިލް ގާނޫނަކަށް ވެއްޖެނަމަ މިކަން ވެގެންދާން ލާމަރުކަޒީ އުސޫލަތަކަށް ތަބާ ނުވާ ވަރަަށް ބޮޑަށް ރައްޔިތުންގެ ބާރުތައް ކެނޑޭނެ ބިލަކަށް ކަމުގައެވެ. އެގޮތުން ފެހި ގާނޫނު އަސާސީގެ ދަށުން ކައުންސިލްތަކަށް ލިބުނު ބާރުތައް މި ބިލް ގާނޫނަށް ވުމުން ހަނިވެގެންދާކަމަށް ސަލީމް ވިދާޅުވިއެވެ.
2008 ވަނަ އަހަރުން ފެށިގެން އަޅުގަނޑުމެން އަމަލުކުރަމުން މިދާ ފެހި ގާނޫނު އަސާސީ ދަށުން ބިން އެކި ކަންކަމަށް ކަނޑައަޅާ ދޫކުރުމުގެ ބާރު ކައުންސިލަތަކަށްް ގާނޫނެއްގެ ދަށުން މި އޮތީ ދީފައި. އެހެންނަމަވެސް މިހާރު ހުށައަޅާފައި މި ބިލުން ކައުންސިލްތަކަށް ލިބިދީފައިވާ ބާރުތައް މި ދަނީ މިނިސްޓަރެއްގެ އަތްޕުޅަށް. މީ އަޅުގަނޑު ވަރަށް ކަންބޮޑުވުމާއި އެކު ފާހަގަކުރާކަމެއް.
ސަލީމް ވިދާޅުވީ މިބިލުގައިވާ ގޮތުން ބިމުގެ ރަޖިސްޓްރީ ދޫކުރަނީ މާލޭގައި ހުންނަ ރަޖިސްޓްރާއެއް ކަމަށް ބުނުމުން ރަށުން ބިން ދޫކުރުމަށް ކައުންސިލްތަކަށް ލިބޭ ބާރުވެސް ގެއްލިގެންދަނީ ކަމަށެވެ. އަދި ބިން އެކި ބޭނުމަށް ކަނޑައެޅުމުގެ ބާރު ކަައުންސިލްތަޖޖުން ނަގާ އެ ބާރު ރައީސްއަށް ލިބޭބެ ގޮތަށް ބިލުގައި ހިމަނާފައިވާކަމަށް ސަލީމް ވީދާޅުވިއެވެ.
ކައުންސިލްގެ އިހްތިސާސްގައިވާ ބިމާއި ސަރުކާރުގެ އިދާރާތަކުން ހަވާލުކުރާ ބިމާއި ލޭންޑް ޔޫސް ޕްލޭނާއި ކަނޑައަޅާ އެކު ބިން ކުއްޔަށް ދިނުމާއި ބޭނުންކުރުމަށް ކަނޑައެޅުމުގެ ބާރު މި އޮތީ ކައުންސިލަަށް ލިބިދީފައި. އެެހެންނަމަވެސް މިހާރު އަޅުގަނޑުމެންގެ ކުރިމަތީގައި މި އޮތް ބިލް ގާނޫނަކަށްވުމުން މި ބާރުތައް ކައުންސިލުން އެނަ ނިގުޅާގަނޭ.
"ދިވެހި ރާއްޖޭގެ ބިމާއި ބެހޭ ބިލް" ބަހުސަށް ހުޅުވާލުމުން މުޅިހެން ވާހަކަ ދައްކާފައިވަނީ އިދިކޮޅު އެމްޑީޕީގެ މެމްބަރުންނެވެ. އެ ހުރިހާ މެމްބަރުންވެސް ވަނީ ބިލުގައި ކަންބޮޑުވުންތަކެއް ހުރިކަން ފާހަގަކޮށްފައެވެ. އަދި ބިލުމުގައި މިހާރާއި ނުގުޅޭ ގިނަ ކަންތައްތަކެއް ހުރިކަން އެ މެމްބަރުން ފާހަގަކުރެއްވިއެވެ.
