ކާމިޔާބު މުއުމިނެއްގެ ކިބައިގައި ހުންނަންޖެހޭ ފުތަރަމަ ސިފައަަކީ ނަމާދަށް ރައްކާތެރިވުންކަމުގައި މިއަދުގެ ހުކުރު ޚުޡުބާގައި ވިދާޅުވެއްޖެއެވެ.
"މުއުމިނުންގެ ސިފަތައް" މިމައުޟޫއަށް ޚާއްސަ ކުރެވިގެންދިޔަ މިއަދުގެ ޚުޡުބާގައި ވިދާޅުވީ ކާމުޔާބު މުއުމިނެއްގެ ކިބައިގައި ހުންނާންޖެހޭ ފުރަތަމަ ސިފަތައް ބަޔާން ކުރައްވާފައިވާ އާޔަތުގައި ފުރަތަމަ ގެންނަވާފައިވަނީ ފަރުޟު ނަމާދަށް ރައްކާތެރިވުން ކަމުގައެވެ.
އަދި އެ ނަމާދުގައި މަޑުމޮޅިވެ، އެނަމާދު މާތްﷲ ގަބޫލުކުރައްވާނޭކަމުގެ އުންމީދުގައި ތިބެ، އެކަނލާގެ އަޒާބަށް ބިރުވެތިވެ، ނަމާދުގައި ހުޝޫޢައްތެރިވާ މީހުންނެވެ.
މިއަދުގެ ޚުޡުބާގައި ވިދާޅުވެފައި ވެއެވެ.
ޚުޡުބާގައި ވިދާޅުވި ގޮތުގައު މުއުމިނުންގެ ކިބައިގައި ހުންނާނެޖެހޭ ދެވަނަ ސިފައަކީ ބޭކާރު ވާހަކައާއި ބޭކާރު ކަންކަމުން ދުރުވެ ރައްކާތެރި ވުމެވެ. އަދި ތިންވަނަ ކަމެއްގެ ގޮތުގައި ފާހަގަ ކުރައްވާފައިވަނީ ނިސާބު ހަމަވެ އަހަރެއް ވުމުން މުދަލުން ޒަކާތް ނެރުމެވެ.
ފުރިހަމަ މުއުމިނުންގެ ސިފަ ބަޔާން ކުރައްވާ ވަހީ ކުރައްވަފައިވާ އާޔަތުގައިވާ ހަތަރުވަކަމެއްގެ ގޮތުގައި ޚުޡުބާގައި ބަޔާން ކުރައްވާފައިވަނީ ލަދުވެތި ގުނަވަންތައް ރައްކާތެރި ކުރުމުގެ. ފަސްވަނަ ކަމެއްގެ ގޮތުގައި ޚުޡުބާގައި ވިދާޅުވީ އަމާނާތްތަކަށާއި އަހުދަށް ރައްކާތެރިވުމެވެ. އަދި ހަވަނަ ސިފައެއްކަމުގައި ބަޔާން ކުރައްވާފައިވަނީ ނަމާދުތަކަށް ރައްކާތެރި ވުމެވެ.
