އަލްބިޔާ މާޓުން ސެންޓުފުޅިއަކާއި ފައިސާ ވަގަށް ނެގި މީހާ ހައްޔަރުކޮށްފިއެވެ.
ފުލުހުން ބުނެފައިވަނީ އަލްބިޔާ މާޓުން ވައްކަން ކުރިކަމުގެ މައުލޫމާތު ލިބުނީ އިއްޔެ ހެނދުނު 5:50ހާއިރު ކަމަށެވެ. އެ މައުލުމާތު ލިބިމާއެކު ގަލޮޅު ރެސްޕޮންސް އެންޑް ޕެޓްރޯލް އާއި ގަލޮޅު ޕޮލިސް އިންވެސްޓިގޭޝަން އިން ކުރަމުން ދިޔަ މަސައްކަތުން މައްސަލަ ރިޕޯޓުކުރިތާ ދެ ގަޑިއިރު ތެރޭގައި މިމައްސަލައިގެ ތުހުމަތު ކުރެވޭ މީހާ ހައްޔަރުކުރި ކަމަށް ފުލުހުން ބުނެފައި ވެއެވެ. އެއީ 29 އަހަރުގެ ފިރިހެނެކެވެ.
އަދި އޭނާ ހައްޔަރުކޮށް އޭނާ ފިހާރައިން ވަގަށްނެގި 1205 ރުފިޔާއާއި ފޯނަކާއި އަދި ސެންޓު ފުޅިއެއް އޭނާގެ އަތުން ހޯދާފައިވާކަމަށްވެސް ފުލުހުން ބުނެފައި ވެއެވެ.
ފުލުހުން ބުނެފައިވަނީ މިމައްސަލަ ތަހުގީގު ކުރަމުންދާ ކަމުގައެވެ.
ކޮމެންޓު ފޮނުވާ