ހައިވޭގައި ޓްރެފިކް ބަލަހައްޓަން ހުރި ފުލުހެއްގެ ގައިގައި ޖެހުނު ކާރުގެ ޑްރައިވަރު ކޯޓުން ދޫކޮށްލައިފި

ހައިވޭގައި ޓްރެފިކް ބަލަހައްޓަން ހުރި ފުލުހެއްގެ ގައިގައި ކޮންޓްރޯލުން ނެއްޓިގެންގޮސް ޖެހުނު ކާރުގެ ޑްރައިވަރު ކޯޓުން ދޫކޮށްލައިފިއެވެ.

ހައިވޭގައި ޓްރެފިކް ބަލަހައްޓަން ހުރި ފުލުހެއްގެ ގައިގައި ކޮންޓްރޯލުން ނެއްޓިގެންގޮސް ޖެހުނު ކާރުގެ ޑްރައިވަރު ހައްޔަރު ކޮށްފައިވަނީ، ހުޅުމާލެ ބުރިޖް ހައިވޭގައި ޓްރެފިކް ބަލަހައްޓަން ހުރި ފުލުހެއްގެ ގައިގައި ކޮންޓްރޯލުން ނެއްޓިގެން ދިޔަ ކާރަކުން ޖެހުނު ހާދިސާ އަށްފަހު އެދުވަހު ހަވީރު 5:30 ހާއިރުއެވެ. މިހާދިސާ ހިގާފައިވަނީ ބްރިޖުން ހުޅުމާލެ އަދި ހުޅުލެ ގުޅުވާލާ ހަތަރު އޮނގޮޅި ކަންމަތީގައެވެ.

ފުލުހުން ވަނީ އޭނާގެ ކާރު ޓޯ ކޮށްފައެވެ.

އެ އެކްސިޑެންޓުވުމުން 37 އަހަރުގެ ޑްރައިވަރު ހައްޔަރުކޮށް އިއްޔެ ބަންދުގެ މުއްދަތު އިތުރުކުރަން ކޯޓަށް ގެންދިއުމުން އޭނާ ބުނީ އެއީ ގަސްތުގައި ކުރި ކަމެއް ނޫން ކަމަށެވެ. އަދި އޭނާ ބުނެފައިވަނީ، ފުލުސް މީހާގެ ގައިގައި ކާރުން ޖެހުމުން ހަމަ އެވަގުތު އޭނާ ފުލުސް މީހާގެ ކިބައިން މާފަށްވެސް އެދިފައިވާ ކަމުގައެވެ.

ފުލުހުން އޭނާގެ މައްޗަށް ތުހުމަތު ކޮށްފައިވަނީ، ޖެހުމާއި ޖަހާފާނެކަމުގެ ބިރު ދެއްކުމާއި އެހެނިހެން ބިރު ދެއްކުމުގެ ކުށުގައެވެ.

ކޯޓުން އޭނާ ދޫކޮށްލުމަށް ކުރި އަމުރުގައިވާ ގޮތުން އެ ހާދިސާގެ ރިޕޯޓަށް ބަލާއިރު ޓެކްސީ ދުއްވާފައި ވަނީ ގަވާއިދާ ހިލާފަށް ކަމަށް ނުބެލެވޭ ކަމަށެވެ.

ކުށުގެ އެއްވެސް ރެކޯޑެއް ނެތް އެމީހާވަނީ އޭނާގެ ކާރުން ފުލުސް މީހާގެ ގައިގައި ޖެހުމުކަމަށް އެއްބަސްވެފައެވެ. އަދި އޭނާ ބުނެފައިވަނީ ފުލުހުންގެ ތަހުގީގަށް އޭނާ ފުރިހަމަޔަށް އެއްބާރުލުން ދޭނެކަމުގައެވެ.

ކޯޓުން އޭނާ ދޫކޮށްލުމަށް އަމުރު ކޮށްފައިވަނީ ޝަރުތު ތަކަކާއެކުއެވެ.

ފުލުސްމީހާ ގައިގައި ކާރުން ޖެހުމާއެކު، ފުލުސްމީހާ ވިއްސައިގެން ގޮސްފައި ވެއެވެ.

އެހާދިސާ ހިނގުމަށްފަހު ފުސްމީހާއަށް ބާމޮޑު އަނިޔާއެއް ވެފައެއް ނުވެއެވެ. އެހެންނަމަވެސް އޭނާގެ އަތުގެ ތަންތަން މަށައިގެން ގޮސްފައި ވެއެވެ