ރޯދަމަސް ނިމެމުން އަންނަ އިރުގައި  މިހާރު ހުންނާނީ ލައްކަ ސާމާނު ތައްޔާރު ކުރެވިފައިއެވެ. ބިޒީ ޝެޑިއުލް ގައި އަހަރުމެން އުޅެމުން އަންނަ އިރުގައި އަބަދުވެސް ފަސޭހައިން ތައްޔާރު ކޮށްލެވޭ މީރު އެއްޗިއްސަން ލިބޭ މަގުބޫލުކަން ބޮޑެވެ.

ބޭނުންވާނެ ތަކެތި:

• 6 ފޮތި ޕާން
• 1/2 ދަޅު މަސް
• 1 ފިޔާ ކުޑަ (ޗޮޕް ކޮށްލާފައި)
• 4 ހިކަންދި ފަތް
• 1 މިރުސް ކުޑަ (ކޮށައިލައިފައި)
• 1/2 ޖޯޑު ކެރެޓް (ގާނާފައި)
• 2 މޭޒުމަތީ ސަމުސާ އޮލިވް އޮއިލް

ތައްޔާރު ކުރާނެ ގޮތް:

އެންމެ ފުރަތަމަ ތަވާ އުދުން މައްޗަށް އުދާށެވެ. ދެން ތެޔޮފޮދު އަޅައިލާށެވެ. އެއަށް ފަހު ހޫނު ވުމުން ފިޔާ ކޮޅު އަޅައި ވަޅޯ ކޮށްލާށެވެ. ދެން ހިކަނދި ފަތް އަދި މިރުސް އަޅާ ކުޑަކޮށް ހަނާ ކޮށްލުމަށް ފަހު މަސްދަޅު އަދި ކެރެޓްކޮޅު އަޅައިލާށެވެ. ރޯފިލުމުން ތަވާ އުދުން މަތިން ބޭލުށްފަހު ހިހޫ ކޮށްލުމަށް ބައިދާށެވެ.

ހުރިހާ ޕާން ފޮއްޗެއްގެ ކައިރި ނަގައިލާށެވެ. އެއަށް ފަހު ޕާން ފޮތިތަށް ރޮށި ދަމާގޮތަށް ދަމާލާށެވެ. އެއަށް ފަހު މެދަށް ތައްޔާރު ކުރި މަސްކޮޅުން އެތޮކޮޅެއް ލުމަށް ފަހު އޮޅައިލާ ރޯލްސް އަކަށް ހަދައިލާށެވެ. ކައިރި ތައްކޮށްލުމަށް ފެންފޮދެއް ލުމުން ފަސޭހަ ވާނެއެވެ

ހުރިހާ ޕާން ފޮއްތެއްގައި ރޯލު ހަދައި ލެވުމުން އަވަނަށް ލައި ގޯލްޑެން ބްރައުން ކުލަ އަރަންދެން ފިހެލާށެވެ. އޭރަށް ހުންނާނީ ބްރެޑް ރޯލްސް ތައްޔާރުވެފައިއެވެ.