މުހިއްޔުއްދީން ސްކޫލްގެ ދަރިވަރުން ފަލަސްތީނުގެ ޣައްޒާގެ ރައްޔިތުންނަށް ބައި ލައްކަ ރުފިޔާ ދީފިއެވެ.
އިންޓަނޭޝަނަލް އެއިޑް ކެމްޕޭން (އައިއޭސީ) އިން ބުނީ މުހިއްޔުއްދީން ސްކޫލްގެ ދަރިވަރުން ވަނީ ޣައްޒާގެ ރައްޔިތުންނަށް އެހީވުމަށް ހަދިޔާއެއް ދީފައި ކަމަށެވެ. ސްކޫލްތަކުގެ ދަރިވަރުން އިސްނަގައިގެން ކުރާ މިފަދަ ކަންކަން އައިއޭ ސީއިން އަބަދުވެސް ވަރަށް އުފަލާއެކު ބަލައިގަންނަ ކަމަށް އައިއޭސީ އިން ބުނެފައިވެއެވެ.
އަނެއްކާވެސް މުޙްޔިއްދީން ސްކޫލްގެ ދަރިވަރުން މިވަނީ، އެކުދިންގެ ޣައްޒާގެ އެކުވެރިންނަށް އެހީވުމަށް ހަދިޔާއެއް ދީފަ.
.
ސްކޫލް ތަކުގެ ދަރިވަރުން އިސްނަގައިގެން ކުރާ މިފަދަ ކަންކަން އައިއޭ ސީއިން އަބަދުވެސް ވަރަށް އުފަލާއެކު ބަލައިގަންނަން.
ސްކޫލު ދައުރަކީ ކުދިންގެ ހިތުގައި… pic.twitter.com/sZvPVxYSfQ— International Aid Campaign (@IACMaldives) March 29, 2024
"ސްކޫލު ދައުރަކީ ކުދިންގެ ހިތުގައި އިންސާނީ އެހީ ފޯރުކޮށްދިނުމާއި، އިންސާނިއްޔަތަށް ލޯބިޖެއްސުމަށްޓަކައި އެންމެ މުހިންމު މަރުހަލާ ކަމުގައި އަޅުގަނޑުމެން ދެކެނީ." އައިއޭސީ އިން އެކްސްގައި ކުރި ޕޯސްޓެއްގައިވެއެވެ.
"ޓީޗަރުންނާއި ބެލެނިވެރިންގެ އެއްބާރުން ކުދިން ކުރާ މިކަހަލަ މަސައްކަތްތަކުގައި ލިބުމަކީ އެކުދިންނަށް މިފަދަ މަސައްކަތްތަށް އިތުރަށް ކުރަން ލިބޭނެ ހިތްވަރެއް."
އިސްރާއީލުން މިދިޔަ އޮކްޓޯބަރު 7 އިން ފެށިގެން ފަލަސްތީނުގެ ޣައްޒާއަށް ދެމުން އަންނަ ހަމަލާތަކުގައި ޝަހީދުވި މީހުންގެ އަދަދު ވަނީ 32،000 އަށް އަރައިފައެވެ. މި ހަމަލާތަކުގައި ޒަހަމްކޮށްލި މީހުންގެ އަދަދު ވެސް 70،000 އަށް ވުރެ މައްޗަށް އަރައެވެ. މި ރަމަޟާން މަހުގައި ވެސް ފަލަސްތީނުގެ ޣައްޒާގެ ރައްޔިތުން ތިބީ ބަނޑުހައި ހޫނުކަމުގެ ތެރޭގައެވެ. ޣައްޒާ އަށް އެކަށީގެންވާ ވަރާ ގާތަށް ވެސް ކާބޯތަކެއްޗާއި ބޭހުގެ ސާމާނެއް ނުލިބެއެވެ.
