ހައުސިންގ ޑިވެލޮޕްމަންޓް ފައިނޭންސް ކޯޕަރޭޝަން (އެޗްޑީއެފްސީ) ގެ މެނޭޖިންގ ޑިރެކްޓަރުގެ މަގާމަށް އަޙުމަދު ޒީނާދު އައްޔަންކޮށްފިއެވެ.
ޒީނާދަކީ އޮސްޓްރޭލިޔާގެ ކާޓިން ޔުނިވަރސިޓީއިން ފިނޭންސްގެ ދާއިރާއިން މާސްޓާސް ހާސިލުކުރައްވާފައިވާ ބޭފުޅެކެވެ.
ޒީނާދު ވަނީ 2019 ވަނަ އަހަރު އުފެއްދި އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ) ގެ އެމްޑީގެ މަގާމުވެސް ފުރުއްވައިފައެވެ. އެގޮތުން އެ މަގާމުގައި އޭނާ ވަނީ ފަސް އަހަރު ޚިދުމަތް ކުރައްވައިފައެވެ.
ޒީނާދު ވަނީ ބޭންކް އޮފް މޯލްޑިވްސް (ބީއެމްއެލް) އާއި މޯލްޑިވްސް ފައިނޭންސް ލީސިން ކޮމްޕެނީ (އެފްއެމްއެލްސީ) ގައި ދިގު މުއްދަތެއް ވަންދެން އިސް މަގާމުތައް ވެސް ފުރުއްވައިފައެވެ.
