ސިއްޙީ ދުޅަހެޔޮކަމަށް ހިތްވަރުދީ އަދި މުވައްޒަފުން އެއްބައިވަންތަ ކުރުވުމުގެ ގޮތުން، އެމްއޭސީއެލްގެ މުވައްޒަފުންގެ މެދުގައި ތަށިބަރި ހަރަކާތެއް ތައާރަފްކޮށްފިއެވެ.
އެމްއޭސީއެލްއިން ބުނެފައިވަނީ "މިންހެޔޮ ހިންހެޔޮ" މި ނަމުގައި އެމްއޭސީއެލްގެ މުވައްޒަފުންގެ މަދުގައި ކުރިޔަށް ގެންދެވޭ މި ހަރަކާތުގެ އެއް އަމާޒަކީ ބެލެންސް ޑައިޓަކަށް ހިތްވަރު ދީ އަދި ކުންފުނީގެ މުވައްޒަފުންގެ މެދުގައި ހިންހެޔޮކަމާއި އެއްބައިވަންތަކަން އިތުރުކުރުން ކަމުގައެވެ.
އަދި މިއީ މިއަހަރުގެ ރޯދަމަހަށް ޙާއްކޮށްގެން ހިންގަން އިންތިޒާމްކުރި ހަރަކާތްތަކުގެ ތެރެއިން އެއް ހަރަކާތްކަމުގައި އެމްއޭސީއެލްއިން ބުނެފައިވެއެވެ.
އެމްއޭސީއެލްއިން ބުނެފައިވަނީ ބެނުމަކީ ބެލެންސް ޑައިޓެއް، ހެޔޮ ހިތަކާއެކު އެއް މުވައްޒު އަނެއް މުވައްޒަފަކަށް ދިނުމަށް ކަމަށާއި، ތަށިބަރީގައި، މޭވާއާއި ތަރުކާރީފަދަ، ވީހާވެސް ސިއްހަތު ރަގަޅު، ކެއުމުގެ ބާވަތްތައް ހިމެނުމަށް ހިތްވަރު ދީފައިވާނެކަމަށެވެ.
އަދި މި ތަށިބަރި މޫވްމަންޓްގެ ޒަރީއާއިން ސިއްހީ ގޮތުން ދުޅަހެޔޮ މުވައްޒަފުންތަކެއް ބިނާކުރެވިގެން ދިއުމަކީ އެމްއޭސީއެމްގެ އުއްމީދެއް ކަމުގައި އެ ކުންފުނިން ބުނެފައިވެއެވެ.
މި އަހަރު މި ހަރަކާތް ހަމައެކަނި އެމްއޭސީއެލްގެ މުވައްޒަފުންނަށް ޚާއްސަ ކުރެވުނު ނަމަވެސް ކުރިޔަށް އޮތް ތަނުގައި މި ހަރަކާތް އިތުރަށް ފުޅާ ކުރެވިގެން ދާނެކަމުގައި އެކުންފުނިން ބުނެފައި ވެއެވެ.
