އިންޑިއާ ސިފައިން ދިވެހި ދޯނިތަކަށް އެރީ އެ ދޯނިތަކުގައި ސެޓެލައިޓް ފޯނު ބޭނުންކުރާތީ، އެއީ އިންޑިއާ ސިފައިން ގަބޫލުކުރާތީ ގަވާއިދާ ޚިލާފް ކަމަކަށް ވާތީ ކަމުގައި ޑިފެންސް މިނިސްޓަަރ ޢައްސާން މައުމޫން ވިދާޅުވެއްޖެއެވެ.
ޢައްސާން މައުމޫން މިހެން ވިދާޅުވީ އިންޑިއާ ސިފައިން ރާއްޖޭގެ މަސް ދޯނިފަހަރަށް އެރި މައްސަލާގައި މިއަދުގެ ރައްޔިތުންގެ މަޖިލީހުގެ ޖަލްސާއަށް އޭނަ ހާޒިރުކޮށް، މެންބަރުން ކުރެއްވި ސުވާލުތަކަށް ޖަވާބު ދެއްވަމުންނެވެ.
އައްސާން ވިދާޅުވީ އިންޑިއާ ސިފައިން މަސްދޯނިތަކަށް އެރީ ސެޓެލައިޓް ފޯނު އެ ދޯނިތަކުގައި ބޭނުންކުރާތީ އެ ހުރިތޯ ކަށަވަރަކުރަން ކަމަށެވެ. އޭނާ ވިދާޅުވީ އެއީ މަސްވެރިންގެ އަތުގައި ސެޓެލައިޓް ފޯނު ހުރުމަކީ އިންޑިއާ ސިފައިން ގަބޫލުކުރާ ގޮތުގައި ގަވާއިދާ ހިލާފުކަމަކަށް ވާތީކަމަށްވެސް ޢައްސާން ވިދާޅުވިއެވެ.
ޓީމުން އެރީ ސެޓެލައިޓް ފޯނު އެ ދޯނިތަކުގައި ބޭނުންކުރާތީ އެ ހުރިތޯ ކަށަވަރަކުރަން، މަސްވެރިންގެ އަތުގައި ހުރި ފޯނުތައް، ސެޓެލައިޓް ފޯނު ބޭނުންކުރަތީ އެއީ އެމީހުން ގަބޫލުކުރާ ގޮތުގައި ގަވާއިދާ ހިލާފުކަމެއް ކަމަށް ބުނެ ބޯޑުކުރީ.
އައްސާން ވިދާޅުވިއެވެ.
މިއަދުގެ ޖަލްސާގައި ވާހަކަ ދައްކަވަމުން ޢައްސާން ވިދާޅުވީ އިންޑިއާގެ ކޯސްޓުގާޑުގެ ސިފައިން އެރީ ހއ ކެލާގެ އިރު އިތުރުން 72 ނޯޓިކަލް މޭލުން ބޭރުން ކަމަށެވެ. އަދި އިންޑިއާ ސިފައިން އަރާފައިވަނީ، ރާއްޖޭގެ އީއީޒެޑްގައި މަސްވެރިކަން ކުރަން އުޅުނު އަސުރުމާ3، މާހޯރަ3 އަދި ނިރު7 އަށް ކަމަށްވެސް ޢައްސާން ވިދާޅުވިއެވެ.
އަދި އޭނާ ވިދާޅުވީ އިންޑިއާގެ ކޯސްޓުގާޑުގެ ކޯސްޓުގާޑުގެ ދެ އުޅަނދެއްގެ ސިފައިން އެ ތިން މަސް ދޯންޏަށް އެރީ ހުރިހާ މަސްދޯންނެއްވެސް އެއްތަނަކަށް ގެންދިއުމަށްފަހުގައި ކަމަށެވެ. ދޯނިތަކަށް އަރާފައިވަނީ އިންޑިއާ ކޯސްޓް ގާޑުގެ އައިސީޖީއެސް "އަރިޔާމަން 252″ އަދި އައިސީޖީއެސް "އަނާ 246″ ނަމަކަށް ދެ އުޅަނދަކުން ކަމަށްވެސް އޭނާ ވިދާޅުވިއެވެ.
ޢައްސާން ވިދާޅުވީ އެހާދިސާއާއި ގުޅޭގޮތުން އެއްކުރެވުނު މައުލޫމާތުތަކުން ކަށަވަރު ވެފައިގޮތުގައި އެއީ ވަރަށް ބޮޑު "މިސް ކޮމިއުނިކޭޝަން"އެއްގެ ތެރެއިން ހިނގާފައިވާ ކަމެއްކަަމަށް ފާހަގަ ވެފައިވާ ކަމުގައެވެ.
އަދި އިންޑިއާ ސަރަހައްދައް ގެނެވުނު ބަދަލާއެކު ރާއްޖޭގައިވެސް ސެޓްލައިޓް ފޯނު ބޭނުން ކުރުމަކީ މަނާކަމެއްކަމަށް އިންޑިއާ ސިފައިންނަށް ހީވެފައި އޮތް ކަަމަށާއި، އެހެންނަމަވެސް އެއީ ރާއްޖޭގައި އަދިވެސް މަނާކަމެއް ނޫން ކަމުގައެވެ.
