މަސްތުވާތަކެތި ބޭނުންކުރާ ކުދިންނަށް އެންޑީއެންއިން ދޭ މެތަޑޯން ފަރުވާ ރިހެބަށް ނުގޮސް ކުރިޔަށް ގެންދެވޭނެ ގޮތް ހަމަޖައްސަވާނެ ކަމުގައި ރައީސް މުއިއްޒު ވިދާޅުވެއްޖެއެވެ.
ރައީސް މުއިއްޒު މިހެން ވިދާޅުވީ، ރައީސް އޮފީހުން ކުރިޔަށް ގެންދަވާ "ރައީސްގެ ޖަވާބު" ސިލްސިލާގެ މިއަދުގެ ސެގްމަންޓުގައި، މަސްތުވުމުން ސަލާމަތްވުމަށް ފަރުވާ ހޯދަމުންދާ މީހުން، އެ ފަރުވާ ފުރިހަމަކުރަން ފުރުޞަތު ދިނުމާ ބެހޭގޮތުން ވ، މާލެ ސިޓީ، މއ.ސްނޯލައިޓް، އާމިނަތު ނަތާޝާ ކުރެއްވި ސުވާލަކަށް ޖަވާބު ދެއްވަމުންނެވެ. ނަތާޝާ ކުރެއްވި ސުވާލުގައި ވިދާޅުވީ އެންޑީއޭގެ ފަރުވާގައި ހުންނަ އިރުވެސް، ކުރީގެ މައްސަލައެއްގައި ޑްރަގް ކޯޓުން ހުކުމް ކޮށްފިނަމަ، ފަރުވާގައި ހުންނަ ކުއްޖަކުވެސް، ވަޒީފާގައި ހުރުމަށްފަހު ރިހެބަށް ދާންޖެހޭ ކަމަށާއި، އެމައްސަލަ ހައްލުކޮށް ދިނުމަށެވެ.
ނަތާޝާގެ ސުވާލަށް ޖަވާބު ދެއްވަމުން ރައީސް މުއިއްޒު ވިދާޅުވީ އެކަމާއި ގުޅޭގޮތުން ހޯމްލޭންޑް ސެކިއުރިޓީއާއި އަދި ސަރުކާރުގެ މުވައްސަސާތަކާއެކީގަ ވާހަކަ ދެއްކުމަށްފަހު، ޓްރީޓްމަންޓް އެކީ ނިންމޭނެގޮތް ހަމަޖައްސާދިނުމަށް އެދިވަޑައިގަންނަވާނޭ ކަމުގައެވެ. އަދި އެކަމަށްޓަކާ ހަމަޖައްސަންޖެހޭ ކަންކަން ގާނޫނީ އިމުގެ ތެރެއިން ހަމަޖައްސަވާނޭކަމަށް ރައީސް ވިދާޅުވިއެވެ.
