ފާއިތުވި 2023 ވަނަ އަހަރު އަހަރު ދައުލަތަށް އަނބުރާ ހޯދަން އެންގި 50.3 މިލިއަން ރުފިޔާގެ ތެރެއިން ދައުލަތަށް ލިބިފައިވަނީ އެންމެ ދެ ލައްކަ ރުފިޔާ ކަމަށް އެންޓި ކޮރަޕްޝަން ކޮމިޝަން (އޭސީސީ) އިން ބުނެފިއެވެ.
އޭސީސީން މިއަދު އާންމުކުރި އެ ކޮމިޝަންގެ އަހަރީ ރިޕޯޓުގައިވާ ގޮތުން 15 މައްސަލައެއްގައި 74 މިލިއަން ރުފިޔާ ދައުލަތަށް އަނބުރާ ހޯދުމަށް އޭސީސީން ނިންމާފައި ވެއެވެ.
އެހެން ނަމަވެސް އެ 74 މިލިއަން ރުފިޔާގެ ތެރެއިން ހޯދުމަށް އޭސީސީން އިދާރާތަކަށް އަންގާފައިވަނީ، 50.3 މިލިއަން ރުފިޔާއެވެ. މި 50.3 މިލިއަން ރުފިޔާގެ ތެރެއިން ދައުލަތަށް އަނބުރާ ހޯދިފައިވަނީ އެންމެ ދެ ލައްކަ ރުފިޔާ ކަމަށް އޭސީސީގެ އަހަރީ ރިޕޯޓުގައި ބުނެފައި ވެއެވެ.
އޭސިސީގެ އަހަރީ ރިޕޯޓުގައިވާ ގޮތުން 2019 ވަނަ އަހަރު އެ ކޮމިޝަނުން ވަނީ 160 މިލިއަން ރުފިޔާ ދައުލަތަށް އަނބުރާ ހޯދުމަށް އިދާރާތަކުގައި އެދިފައެވެ. އަދި 2022 ވަނަ އަހަރު 35 މިލިއަން ރުފިޔާ ހޯދުމަށް އެދުނެވެ.
އޭސީސީން ބުނެފައިވަނީ، ފައިސާތައް އަނބުރާ ހޯދަން އެންގުމުގެ ބާރު އެ ކޮމިޝަނަށް ލިބިފައިވާ ކަމަށެވެ. އެހެންނަމަެވސް އެ ފައިސާތައް އަނބުރާ ދައުލަތަށް ހޯދުމަކީ އޭސީސީގެ ގާނޫނީ މަސްއޫލިއްޔަތުތަކުގެ ތެރޭގައި ހިމެނޭ ކަމެއް ނޫން ކަމަށްވެސް ބުނެފައި ވެއެވެ.
