ހަފްތާ 14ގައި ފުއްދަން ވީ ވައުދުތަކުގެ ތެރެއިން 155 އަށްވުރެ ގިނަ ވައުދު މިހާރު ފުއްދިފައިވާ ކަމަށާއި، ދެން އިތުރަށް ފުއްދަން ޖެހިފައިވަނީ އެންމެ "ދެތިން" ވައުދެއް ކަމުގައި ރައީސް މުއިއްޒު ވިދާޅުވެއްޖެއެވެ.
ރައީސް އޮފީހުން ގެނެސްދާ "ރައީސްގެ ޖަވާބު" ސިލްސިލާގެ މިއަދުގެ ސެގްމަންޓުގައި، މީހަކު ރައީސް އާއި ސުވާލު ކޮށްފައިވަނީ، ވެވަޑައިގެންނެވި ވައުދުތަކުގެ ތެރެއިން މިހާތަނަށް ފުއްދުނީ ކިހާ ވައުދެއްތޯއެވެ.
އެ ސުވާލުގެ ޖަވާބުގައި ރައީސް މުއިއްޒު ވިދާޅުވީ ހުރިހާ ވައުދެއްވެސް ވީ ފުއްދުމަށް ކަމަށާއި، ވެވަޑައިގެންނެވި ހުރިހާ ވައުދެއްވެސް ފުއްދިގެން ދާނެ ކަމަށެވެ.
ދެތިން ކަމެއް ގާތްގަނޑަކަށް ހަމަ ނިމުމަކާ ހަމައަށް ގޮސްފައި ވަނީ 161 ވައުދުގެ ތެރެއިން 155 އަށް ވުރެ ގިނަ ވައުދު ވަނީ ހަމަ އެއްކޮށް އެ ކަނޑައެޅި މިންވަރަށް ހާސިލްކުރެވިފައި.
ރައީސް ވިދާޅުވިއެވެ.
ރައީސް ވިދާޅުވީ ހަފްތާ 14ގެ ވައުދުތަކުގެ އިތުރަށްވެސް ކުރަންހުރި ވަރަށް ގިނަ މަސައްކަތް އެބަހުރިކަމަށާއި، ކުރިޔަށް އަހަރުތަކުގައިވެސް އެވައުދުތައް ފުއްދުމުގެ މަސައްކަތް ކުރިޔަށް ދާނެކަމަށެވެ.
