މާދަމާ ރާއްޖެއަށް ރޯދަމަސް ފެށުމަށް ތައްޔާރު ވަމުންދާއިރު، ކާބޯތަކެތީގެ އަގު ހެޔޮކޮށް ހިފެހެއްޓުމުގެ މަސައްކަތް އެސްޓީއޯ މެދުވެރިކޮށް ކުރެވެމުން ދާކަމަށާއި، ސަރުކާރުން އަމާޒަކީ އަމާޒަކީ ކާބޯތަކެތީގެ ބާވަތްތައް ރާއްޖޭގައި އުފައްދާ ފުޑް ސެކިއުރިޓީ ގާއިމްކުރުން ކަމުގައި ރައީސް މުއިއްޒު ވިދާޅުވެއްޖެއެވެ.
ރައީސް މުއިއްޒު މިހެން ވިދާޅުވީ ރައީސް އޮފީހުން ގެނެސް ދެމުންދާ "ރައީސްގެ ޖަވާބު" މިއަދުގެ ސެގްމަންޓުގައި އާންމުންގެ މީހަކު ކުރި ސުވާލުގެ ޖަވާބުގައެވެ.
އާންމުންގެ މީހަކު ބުނެފައިވަނީ ރޯދަމަސް ކުރިޔަށް އޮތްއިރު ބޭނުންވަނީ ކާބޯތަކެތި ވީހާވެސް ހެޔޮ އަގެއްގައި ލިބޭގޮތް ހަދައިދިނުން ކަމުގައެވެ.
އޭނާގެ ސުވާލުގެ ޖަވާބުގައި ރައީސް މުއިއްޒު ވިދާޅުވި ކާބޯތަކެތީގެ އަގު ހެޔޮ ކުރުމަކީ ސަރުކާރުން އެންމެ ބޮޑަށް އިސްކަން ދެމުންދާ އެއްކަންތައް ކަމުގައެވެ. އަދި ރޯދަމަސް ފެށިގެން ދާއިރު، އަސާސީ ކާބޯތަކެތީގެ އަގު ހިފެހެއްޓުމަށް އެސްޓީއޯ މެދުވެރިކޮށް ގެނެވި އަގުހެޔޮ ކުރުމުގެ މަސައްކަތް ކުރިޔަށްދާ ކަމުގައެވެ.
މިހާރުވެސް އަގުހެޔޮކޮށް ވިއްކަން ފަށާފައިވަނީ އެސްޓީއޯއިން، އަދިވެސް އިތުރު މަސައްކަތްތައް ކުރާނަން ކާބޯތަކެތީގެ އަގުތައް ހެޔޮކުރުމަށްޓަކައި.
ރައީސް ވިދާޅުވިއެވެ.
ރައީސް މުއިއްޒު އިތުރަށް ވިދާޅުވީ މެދު ރާސްތާ އަދު ދުރު ރާސަތާގެ ރާއްޖެއަށް ބޭނުންވާ ކާބޯތަކެތީގެ ބާވަތްތައް ރާއްޖޭގައި އުފެއްދުން ކަމަށާއި، އެގޮތުން ފުޑް ސެކިއުރިޓީ ގާއިމް ކުރުމަކީ ސަރުކާރުގެ ޕްލޭންކުރުން ކަމަގައެވެ. އަދި ރާއްޖެއަށް ބޭނުންވާ "ކުއަންޓިޓީ"އާއި އަދި ކާބޯ ތަކެތީގެ އަގުވެސް ދާއިމިގޮތެއްގައި ދަށްކުރެވިގެންދާނެ ގޮތަކީވެސް އެއީ ކަމުގައި ރައީސް މުއިއްޒު ވިދާޅުވިއެވެ.
ކުރިއަށް އޮތް މުސްތަޤްބަލުގައި މެދު ރާސްތާ އަދި ދުރު ރާސްތާގެ ޕްލޭންއަކީ ރާއްޖޭގައި އުފެއްދޭ ހުރިހާ ބާވަތެއް ރާއްޖޭގައި އުފެއްދޭގޮތް ގާއިމްކޮށް، ފުޑު ސެކިއުރިޓީ ޔަޤީންކުރުން، އޭރު އަގުވެސް ދަށްވެގެންދާނެ، އަދި ކޮއަންޓިޓީވެސް ޔަޤީންވެގެންދާނެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވިއެވެ.
