ސިޔާސަތަކީ އަންހެނުންނަކީ ބާރުވެރިކުރުވިފައިވާ ބަޔަކަށް ހެދުން ކަމަށާއި، އެކަމަށްޓަކާ މިސަރުކާރުން ގިނަ މަސައްކަތްތަކެއް ކުރައްވަމުން ގެންދަވާ ކަމުގައި ރައީސް މުއިއްޒު ވިދާޅުވެއްޖެއެވެ.
މިއަދު ފާހަގަ ކުރެވެމުންދާ އަންހެނުންގެ ދުވަހު ގެނައިން "ރައީސްގެ ޖަވާބު" ސިލްސިލާގެ މިއަދު ސެގްމަންޓުގައި ރައީސް މުއިއްޒު ވަނީ އަންހެނުންގެ ދުވަހުގެ ތަހުނިޔާވެސް އެންމެހާ އަންހެން ކަނބަލުންނަށް އަރިސްކުރާކަމަށް ވިދާޅުވެފައެވެ.
ރައީސް ވިދާޅުވީ އަންހެނުން ބާރުވެރި ކުރުމަށް ގިނަ މަސައްކަތްތައް މި ސަރުކާރުން ކުރައްވަމުން ގެންދަވާ ކަމަށާއި، އެގޮތުން ގާނުނަށް ބަދަލު ގެނެސްގެން އަންހެނުންގެ ތަރައްގީއަށް މަސައްކަތް ކުރާ ކޮމިޓީތައްވެސް ބާރުވެރި ކުރުވޭގެ މަގުތައް ފަހުކުރުމަށް ސަރުކާރުން މަސައްކަތް ކުރަމުްނދާ ކަމުގައެވެ.
އަޅުގަނޑުގެ ސިޔާސަތަކީ ކަނބަލުންނަކީ ބާރުވެރިކުރުވިފައިވާ އެމްޕަވާކުރެވިފައިވާ ބަޔަކަށް ހަދައިދިނުން، އެކަމަށްޓަކައި ވަރަށް ގިނަ މަސައްކަތްތަކެއް ކުރިޔަށް އެބަގެންދަން. އަންހެނުންގެ ތަރައްގީއަށް މަސައްކަތްކުރާ ކޮމިޓީތައްވެސް ބާރުވެރިކުރުވާ މަސައްކަތްކުރެވޭނެ ގޮތް ގާނޫނުތަކަށް އިސްލާހު ގެނެސްގެން ކުރިޔަށް ގެންދަން އަޅުގަނޑު ގަސްދުކޮށްފައިވާނީ.
ރައީސް ވިދާޅުވިއެވެ.
އަންހެން ކަނބަލުން ބާރުވެރި ކުރުމުގެ ގޮތުން މިސަރުކާރު ވެރިކަމަށް އައުމަށްފަހި ގިނަ އަދަދެއްގެ ކުންފުނިތަކުގެ މެނޭޖިން ޑިރެކްޓަރުންގެ ގޮތުގައި ވަނީ އަންހެން ކަނބަލުން ހަމަޖައްސާފައެވެ.
ދުނިޔޭގެ އަންހެނުންގެ ދުވަހުގެ ގޮތުގައި ފާހަގަ ކުރެވެމުންދަނީ ކޮންމެ އަހަރެއްގެ ވެސް މާރޗްމަހުގެ 8 ވަނަ ދުވަހެވެ.
ކޮމެންޓު ފޮނުވާ