ޕީއެސްއެމް ނިއުސްއިން އިންތިޒާމްކޮށްގެން ބާއްވާ މަޖިލިސް ބަހުސަށް ދަނިކޮށް އެމްޑީޕީ ޓިކެޓުގައި ފަރެސްމާތޮޑާ ދާއިރާއަށް ވާދަކުރައްވާ އަހުމަދު ޒައީމް ގަޔަށް ކަޅު ތެޔޮ ޖެހި މައްސަލަ ފުލުހުން ބަލަން ފަށައިފިއެވެ.
ފުލުހުން ބުނެފައިވަނު އެމައްސަލަ ޕޮލިހަށް ރިޕޯޓު ކޮށްފައިވަނި މިއަދު ހަވީރު 4:11 ހާއިރު ކަމަށާއި، ޒައީމް ގަޔަށް ކަޅުތެޔޮ ކޮތަޅެއް އެއްލާފައިވަނީ އެމްއެންޔޫ ކައިރި ޕާކިންގް ޒޯންއާ ހިސާބުން ސައިކަލެއްގައި ދިޔަ ދެ މީހަކު ކަމަށް ރިޕޯޓު ކޮށްފައިވާ ކަމުގައެވެ.
ބަހުސަށް ދަނިކޮށް، އެމްޑީޕީެ ފަރެސްމާތޮޑާ ދާއިރާގެ ކެންޑިޑޭޓުގެ ގަޔަށް ކަޅުތެޔޮ ޖަހާފައިވާ މަންޒަރު ފެންނަ ފޮޓޯއާއި ވީޑިއޯ ވަނީ މީސްމީޑިއާގައި ދައުރުވެފައެވެ.
އެމްޑީޕީން ބުނެފައިވަނީ މަޖިލިސް 20 ފަރެސްމާތޮޑާ ދާއިރާއަށް ވާދަ ކުރައްވާ އެޕާޓީގެ ކެންޑިޑޭޓް އަޙްމަދު ޒައީމް ރައްޔިތުން މަޖިލިސް 2024 ބަހުސް އަށް ދިޔަމަގުމަތީގައި ކަޅުތެޔޮ ޖެހުމުގެ ހަމަލާއެއް ދީފައިވާކަމަށާއި އެ ފިނޑި އަމަލު އެޕާޓީ އިން ކުށްވެރި ކުރާކަމަށެވެ.
