މެރިން ފުލުހުން ހިންގި އޮޕަރޭޝަނެއްގައި މިއަދު ގދ.އަތޮޅު ކައިރީގައި އޮތް ކަނޑުގެ ސަރަހައްދުން ރަޝިއާގެ 10 މީހުންނާއެކު 13 މީހަކު ކާމިޔާބުކަމާއެކު ސަލާމަތްކޮށްފިއެވެ.
ފުލުހުން ބުނެފައިވަނީ، ފުވައްމުލަކުން ފުރައިގެން ދަތުރުކުރަމުންދިޔަ މެރިން ޕޮލިސް ލޯންޗަކުން ގދ.ގަން ކައިރިން ހާލުގައި ޖެހިފައިވާ ދެމީހަކު ފުނުނު ކަމަށެވެ. އަދި އިތުރަށް ބެލިބެލުމުން އިތުރު ޑައިވަރުން ބާރު ގަދަ ރާޅުތަކެއްގެ ސަބަބުން އޮޔާ ގޮސްފައިވާކަން އެގުނު ކަމަށާއި، މެރިން ފުލުހުން އަވަސް ފިޔަވަޅުތަކެއް އަޅާ ހަތަރު އިންސްޓްރަކްޓަރުންނާއެކު 13 މީހަކު ވެސް ކަނޑުގެ ސަރަހައްދުން ސަލާމަތްކޮށްފައިވާކަމަށް ފުލުހުން ބުންޏެވެ.
އަދި އެއްވެސް މީހަކަށް ގެއްލުމެއް ނުލިބި ރައްކާތެރިކަމާއެކު އެމީހުން ގދ.ގައްދޫއަށް ގެންގޮސްފައިވާ ކަމަށް ފުލުހުން ބުންޏެވެ.
އަދި ދިމާވެދާނެ ކާރިސާއަކުން ސަލާމަތްވުމަށް މެރިން ފުލުހުން ކުރަމުންދާ ހިތްވަރުގަދަ މަސައްކަތަށް މޯލްޑިވްސް ޕޮލިސް ސަރވިސްއިން ޝުކުރު އަދާކޮށްފައި ވެއެވެ.
މި ހާދިސާއަކީ ހުރިހާ ޑައިވަރުންނާއި ޒިޔާރަތްކުރާ ފަރާތްތަކުން ސަމާލުވެ، އުދައެރުމާއި ކަނޑުގެ އޮޔާއިވަޔަށް އަންނަ ބަދަލުތަކަށް ސަމާލުވެ، އެމީހުންގެ ދުޅަހެޔޮކަން ކަށަވަރުކުރުމަށް ސަލާމަތީ ގައިޑްލައިންތަކަށް ބޯލެނބުމަށް ހަނދާންކޮށްދޭ ހާދިސާއެއްކަމަށް ފުލުހުން ބުނެފައިވެއެވެ.
ކޮމެންޓު ފޮނުވާ