ހުޅުމާލޭއަކި އެއްލައްކަ މީހުންގެ ބޮޑު އާބާދީއެއް އޮންނަ އަވަށަކަށް ވާތީ އެ އަވަށުގެ ސިއްޙީ ޚިދުމަތް ފުރިހަމަ ކުރުމަށް އިތުރި ހޮސްޕިޓަލެއް އަޅަންޖެހޭ ކަމުގައި ރައީސް މުއިއްޒު ވިދާޅުވެއްޖެއެވެ.
ރައީސް މިކަން ހާމަކޮށްފައިވަނީ، ވިދާޅުވީ އާންމުންގެ ސުވާލުތަކަށް ޖަވާބު ދެއްވުމަށް ރައީސް އޮފީހުން ފަށާފައިވާ “ރައީސްގެ ޖަވާބު” ސިލްސިލާގެ ތެރެއިން ހުޅުމާލެ، ފްލެޓް ނަންބަރު 51503، މުހައްމަދު ރިޔާޒް އަމާޒު ކުރެއްވި ސުވާލަށް ޖަވާބު ދެއްވަމުންނެވެ.
ރިޔާޒް ރައީސް މުއިއްޒުއާއި ސުވާލު ކޮށްފައިވަނީ، ހުޅުމާލެ ހޮސްޕިޓަލްގެ ސިއްހީ ކަންކަމާ ގުޅޭ ގޮތުން ހުރި ކަންބޮވުންތައް ހިއްސާކޮށް، އެކަންކަމަށް އޮތް ހައްލަކީ ކޮބައިތޯއެވެ.
ޖަވާބުގައި ރައީސް ވަނީ މާލެ ސިޓީ ސަރަހައްދުގެ ސިއްހީ ނިޒާމު ރަގަޅު ކުރުމަކީ ސަރުކާރުން ވަރަށް އިސްކަމެއް ދޭ ކަމެއް ކަމަށާއި ދަރުމަވަންތަ ހޮސްޕިޓަލްގެ މަސައްކަތް މިހާރު ބާރު ސްޕީޑްގައި ފެށިގެން ކުރިއަށްދާ ކަމަށާއި ދަރުމަވަންތަ ގްރޫޕް އޮފް ހޮސްޕިޓަލްސް އައިޖީއެމްއެޗް ހިމެނޭހެން ހުޅުމާލެ އަދި ވިލިމާލެ ހޮސްޕިޓަލްގެ މަސައްކަތް ކުރިއަށްދާ ކަމަށް ވިދާޅުވެފައެވެ.
“ހުޅުމާލޭގައި މިހާރު ލައްކައެއްހާ މީހުން ފޭސް ވަން އަދި ފޭސް ޓޫގައި ދިރިއުޅެމުންދާ ކަމަށް އަޅުގަނޑުމެންނަށް ގަބޫލުކުރެވޭ. އެހާ ގިނަ މީހުންނަށް ހިދުމަތްދޭ އިރުގައި ހުޅުމާލެ ހޮސްޕިޓަލްގެ ފެންވަރު ވަރަށް ބޮޑުތަނުން މަތިކުރަންޖެހޭ. އަދި އިތުރު ހޮސްޕިޓަލެއްވެސް އަޅަން ޖެހޭނެ. އެހެންވީމަ މި މަސައްކަތްތައް އަޅުގަނޑުމެން ކުރިއަށް ގެންދާނަން،”
ރައީސް ވިދާޅުވިއެވވެ.
ރައީސް މުއިއްޒު ވިދާޅުވީ ހުޅުމާލެ ފޭސް އެކެއް އަދި ފޭސް ދޭއްގައި ލައްކައެއްހާ މީހުން ދިރިއުޅެމުންދާއިރު، ހުޅުމާލޭ ހޮސްޕިޓަލުން ލިބޭ ޚިދުމަތްތައްވެސް އިތުރަށް ފުރިހަމަކުރަން ޖެހޭ ކަމުގައެވެ.
އެގޮތުން މާލޭ ސިޓީގެ ރައްޔިތުންނަށް އެންމެ ރަގަޅު ފެންވަރުގައި ސިއްޙީ ޚިދުމަތްތައް ފޯރުކޮށްދިނުމުގެ މަސައްކަތް ބާރަށް ކުރިޔަށްދާ ކަމުގައެވެ.
ކޮމެންޓު ފޮނުވާ