ހުޅުމާލޭ ފޭސް އެކެއްގައި ކާރަކާއި ވޭނެއް މުޑިއަރައިގެން ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުން ވިދާޅުވެފައިވަނީ މި އެކްސިޑެންޓް ހިނގާފައިވަނީ ހުޅުމާލޭ ފޭސް 1 ގެ ނިރޮޅު މަގު ދެވަނަ ރުއްގަނޑާ ހިސާބުގައި ކަމަށެވެ. މި އެކްސިޑެންޓް ހިނގަން މެދުވެރިވީ އެހިސާބުން ދުއްވަމުންދިޔަ ކާރެއްގެ ފަހަތުން އައި ވޭން ކާރާއި މުޑި އަރައިގެންނެވެ. ވޭން ޖެހުނުލެއް ބާރުކަމުން ދުއްވަމުން އައި ކާރު ދިޔަގޮތަށް ގޮސް އެހެންކާރުތަކުގައި ވެސް ޖެހިފައި ވެއެވެ.
އެކްސިޑެންޓެއް ހިނގައިގެން ފުލުހުންނަށް ރިޕޯޓު ކޮށްފައިވަނީ މިއަދު ހެދުނު 6:20 ހާއިރުއެވެ.
🚨#Breaking: Hulhumale Nirolhu Magugai miadhu hendhunu accident eh hin’gaifi.
Accident hin’gaafa vanee Van dhuvvan in driver ah nidhi jehigen Taxi ehga jehi e control in nehtigen goss park kohfa oi Car ehga jehigen.
Ithuru mauloomaathu: https://t.co/R8LDUM9VaQ pic.twitter.com/2uuCYV3bfT
— #MvCrisis (@MvCrisis) February 26, 2024
މި އެކްސިޑެންޓުގައި ވޭން ދުއްވަން އިން މީހާއަށް އެކިވަރު އަނިޔާލިބިފައި ވާއިރު، މި އެކްސިޑެންޓްގައި އަނިޔާ ވެފައި ވަނީ އުމުރުން 46 އަހަރުގެ މީހަކާއި 52 އަހަރުގެ މީހަކަށެވެ. މި ދެމީހުންނަކީވެސް ދިވެހި ފިރިހެނުންނެވެ. ވޭނާއި، ދެ ކާރަށްވެސް ގެއްލުން ލިބިަފައިވާކަމަށް ފުލުހުން ބުނެފައި ވެއެވެ.
ފުލުހުން ބުނެފައިވަނީ ކާރު އަދި ވޭންގެ ޑްރައިވަރުގެ އަތުގައި ލައިސަންސް އޮތް ކަމަށެވެ.
މި މައްސަލަ ފުލުހުން ދަނީ އިތުރަށް ތަހުޤީގު ކުރަމުންނެވެ.
