ޅ.ނައިފަރު ވެމްކޯ ސައިޓްގައި ރޭގެ ވަގުތެއްގައި ރޯވި އަލިފާން، އެމްއެންޑީއެފް ނޮދަން އޭރިއާ ކޮމާންޑް، ޅ.ނައިފަރު ފަޔަރ ސްޓޭޝަނުގެ ފަޔަރފައިޓަރުން ކުރި މަސައްކަތުން ކޮންޓްރޯލްކޮށްފިއެވެ.
ޅ.ނައިފަރު ވެމްކޯ ސައިޓްގައި ރޯވިކަމުގެ މަޢުލޫމާތު ރޭ ދަންވަރު 01:20 ހާއިރު އެމްއެންޑީއެފް ނޮދަން އޭރިއާ ކޮމާންޑް، ޅ.ނައިފަރު ފަޔަރ ސްޓޭޝަނަށް ލިބުމާއެކު، އެ ފަޔަރ ސްޓޭޝަންގެ ފަޔަރފައިޓަރުން ވަނީ އެ ސަރަހައްދަށް ގޮސް، އަލިފާން ނިވުމުގެ މަސައްކަތް ކޮށްފައެވެ.
އެމްއެންޑީއެފްއިން ބުނެފައިވަނީ، ޅ.ނައިފަރު ފަޔަރ ސްޓޭޝަނުގެ ފަޔަރފައިޓަރުން ކުރި މަސައްކަތުން އަލިފާންގަނޑު ކޮންޓްރޯލް ކުރެވިފައިވަނީ ރޭ ފަތިހު 04:40 ހާއިރެވެ.
މި ހާދިސާގައި އެެއްވެސް މީހަކަށް އަނިޔާއެއް ލިބިނުކަމުގެ މަޢުލޫމާތު ލިބިފައެއް ނުވެއެވެ.
ކޮމެންޓު ފޮނުވާ