އިމާމުންނާއި ޚަތީބުންނަށް އިތުރު ތަމްރީނު ދިނުމަށް ރާއްޖެއިން ބޭރަށް ފޮނުވުމަށް ހަމަޖެހިފައިވާ ޕްރޮގްރާމުގެ ތެރެއިން ފުރަތަމަ ބުރުގައި ފުރާ20 އިމާމުންނާއި ޚަތީބުން މިއަދު މައްކާއަށް ފުރައިފިއެވެ.
މިދަތުރުގައި އިމާމުންނާއި ޚަޡީ ބުން މައްކާ އަދި މަދީނާގެ ހާއްސަ ތަންތަނަށް އިމާމުން ޒިޔާރަތްކުރާނެ ކަމަށް އިސްލާމިކް މިނިސްޓްރީން ބުނެފައި ވެއެވެ. މިނިސްޓްރީން ބުނެފައިވަނީ މި އިމާމުންނާއި ޚަޡީބުން ސައުދީގެ އިތުރުން މިސްރު، މެލޭޝިޔާ، ބުރޫނާއި އަދި އިންޑޮނޭޝިޔާއަށް ވެސް ތަޖުރިބާއާއި ތަމްރީނުގެ ދަތުރުކުރާނެ ކަމަށެވެ.
އިސްލާމިކް މިނިސްޓަރ ޑރ. ޝަހީމް ކުރިން ވިދާޅުވެފައިވަނީ އިމާމުންނާއި ޚަތީބުންގެ ފުރަތަމަ ބެޗް ތަމްރީނަށް ފުރުމަށް ހަމަޖެހިފައިވާއިރު، މިއަހަރު އިތުރު އިމާމުންނާއި ޚަތީބުން ތަމްރީނަށް ފޮނުވުމަށް ހަމަޖެހިފައިވާ ކަމުގައެވެ.
އެގޮތުން ޝަހީމް ވިދާޅުވީ މި ޕްރޮގްރާމްގެ ދެވަނަ ބުރުގައި އިމާމުންނާއި ޚަތީބުން މައްކާއަށް ދާނީ އަންނަ ޝައްވާލު މަހުގެ ތެރޭގައި ކަމުގައެވެ. އަދި ޝަހީމް ވިދާޅުވީ އެ ބުރުގައި މިފަހަރަށްވުރެ އިތުރަށް ބައިވެރިވާނެކަމަށް އުއްމީދު ކުރައްވާކަމުގައެވެ.
އިރާދަކުރެވިއްޔާ ރަމަޟާން މަހުގެ ފަހުން އެ ދަތުރުތައް އެކި ބުރުތަކަށް ބަހައިގެން އިމާމުންނަށް އަޅުގަނޑުމެން ފަހިކޮށްދޭނަން.
ޝަހީމް ވިދާޅުވިއެވެ.
ޝަހީމް އިތުރަށް ވިދާޅުވީ އިމާމުންނާއި ޚަޡީބުން ތަމްރީން ކުރުމުގެ ޕްރޮގްރާމެއް މިހާރުވެސް ކުރިޔަށް ދާކަމަށާއި، އެގޮތުން 77 އިމާމުންނާއެކު މިހާރުވެސް ގއ. ގެމަނަފުށީގައި ޕްރޮގްރާމެއް ކުރިޔަށްދާ ކަމަށެވެ.
އަދި ޝަހީމް ވިދާޅުވީ މި ޕްރޮގްރާމް ރާއްޖޭގެ އެކި ކަންކޮޅުތަކުގައި ގެންދާނެ ކަމަށާއި، ޕްރޮގްރާމްގެ އަމާޒަކީ މިއަހަރު ނިމޭއިރު ރާއްޖޭގެ ހުރިހާ އިމާމުންނަކީ މި ޕްރޮގްރާމް ފުރިހަމަ ކޮށްފައިވާ މީހުންކަމުގައި ހެދުން ކަމުގައެވެ.
އަދި ގިނަ އަދަދެއްގެ އިމާމުންނަކީ ބޭރުގެ އެކިއެކި ގައުމުތަކުގެ އިމާމުކަން ކުރަމުންދާ ގޮތް ތަޖުރިބާ ކުރެވި އެކިއެކި ތަމްރީނު ލިބިފައިވާ ބަޔަކަށް ވުން.
ޝަހީމް ވިދާޅުވިއެވެ.
