އައިލެންޑް އޭވިއޭޝަންގެ ޗެއާމަންގެ މަގާމަށް މުހައްމަދު މިހާދު މިއަދު ހަމަޖައްސައިފިއެވެ.
މިހާދަކީ، ގައުމީ އެއާލައިން މޯލްޑިވިއަން ހިންގަމުން އަންނަ އައިލެންޑް އޭވިއޭޝަންގެ މެނޭޖިން ޑިރެކްޓަރުކަން ވެސް ކުރިން ކުރެއްވި ބޭފުޅެކެވެ. އެ ކުންފުނީގެ ޗެއާމަންގެ މަގާމަށް މުހައްމަދު މިހާދު ހަމަޖެއްސުމުން އެ ކުންފުނިން ވަނީ އޭނާ އަށް މަރުހަބާ ކިޔައިފައެވެ.
މިހާދު އައިލެންޑް އޭވިއޭޝަންގެ މެނޭޖިން ޑިރެކްޓަރުގެ މަގާމަށް އައްޔަން ކުރެއްވީ 2021 ގައެވެ. ކުރީގެ ރައީސް އިބްރާހިމް މުހައްމަދު ސޯލިހްގެ ވެރިކަން ބަދަލުވުމާ ހަމައަށް އައިލެންޑް އޭވިއޭޝަނުގެ މެނޭޖިން ޑިރެކްޓަރުގެ މަގާމުގައި އޭނާ ވަނީ ހުންނަވައިފައެވެ.
މިހާދު ވަނީ 2008 ން 2012 އަށް އެމްޓީޑީސީގެ މެނޭޖިން ޑިރެކްޓަރު ކަމާއި ކުރީގެ ރައީސް މައުމޫން އަބްދުލް ޤައްޔޫމްގެ ވެރިކަމުގައި ފިނޭންސް މިނިސްޓްރީގެ ޑިރެކްޓަ ޖެނެރަލްގެ މަގާމު އަދާކުރައްވައިފައެވެ.
