މިއަދު ފެށިގެންދިޔަ އާއަހަރު މިނިވަންކަމުގެ ރަތް ރޮނގު އިތުރަށް ކުލަގަދަ ކުރުމަށް، ޕީއެންސީގެ ޓިކެޓުގައި މާލޭގެ މޭޔަރުކަމަށް ވާދަކުރައްވާ ކުރީގެ ބަންޑާރަނައިބު އައިޝަތު އާޒިމާ ޝަކޫރު ގޮވާލައްވަިފިއެވެ.

އާޒިމާ މިކަމަށް ގޮވާލެއްވީ މީލާދީ އާއަހަރުގެ މުނާސަބަތުގައި އާންމު ކުރެއްވި ތަހުނިޔާގެ މެސެޖުގައެވެ.

އާޒިމާގެ މެސެޖުގައި ވިދާޅުވީ އެކަމަނާގެ ދުޢާއަކީ މިފެށޭ 2024ވަނަ އަހަރަކީ އެންމެ ބޭފުޅުންނަށް އުފާވެރި އަދި ފާހަތި އަހަރެއްގައިކަމުގައި ލެއްވުން ކަމުގައެވ.

އަޅުގަޑުމެން ކުޑަކުދިންނަށް ރައްކާތެރި އަހަރެއްކަމުގައިވެސް ލެއްވުމެވެ. މިލޮބުވެތި ދިވެހި ގައުމުގެ މިނިވަންކަމުގެ ރަތް ރޮނގު އިތުރަށް ކުލަގަދަވެ، ދިވެހި ރާއްޖެއަށް އާރޯކަމާއި ތާޒާކަން، ﷲގެ ރަހުމަތްފުޅުން މިންވަރު ކުރެއްވުމެވެ.

އާޒިމާގެ އާއަހަރުގެ މެސެޖުގައި ވިދާޅުވެފައި ވެއެވެ.

އާޒިމާގެ މެސެޖުގައި އިތުރަށް ވިދާޅުވެފައިވަނީ އާއަހަރުގެ ފެށުން ފާހަގަކުރާއިރު، ފަލަސްތީނުގައި އަނިޔާ ލިބެމުންދާ އަޚުންނާއި އުޚުތުން އަދި ކުޑަކުދިންގެ މަތިން ހަދާންކޮށް، ފަލަސްތީނުގެ މިނިވަންކަމަށާއި، ފަލަސްތީނުގެ ރައްޔިތުންގެ ރައްކާތެރިކަމަށް އެދި ދެއަތް އުފުލާލާކަމުގައެވެ.