މޫސުން ގޯސްވުމުގެ ސަބަބުން، އާއަހަރު ފާހަގަކުރުމަށް ބާއްވަން ނިންމި “ދިވެހިންގެ ރާއްޖެ ފެސްޓިވަލް” ގެ ރޭގަނޑުގެ ހަރަކާތްތައް ފަސްކޮށްފި އެވެ.
މަޢުލޫމާތާއި ފަންނާ ބެހޭ ވުޒާރާއިން އާންމު ކުރި ބަޔާނެއްގައި ބުނީ އެ ފެސްޓިވަލްގައި ބައިވެރިވުމަށް ރާއްޖޭގެ އެކި ހިސާބުތަކުން ޝައުގުވެރިކަން ލިބިފައިވާކަމަށާއި، އެހެންނަމަވެސް، މޫސުމާއި ބެހޭ އިދާރާ މެޓް އޮފީހުން ރާއްޖޭގެ މޫސުން ގޯސްވާނެކަމަށް ލަފާކޮށްފައި ވާތީ ދިމާވާނެ ދަތިތަކަށް ބަލައި ފެސްޓިވަލުގެ ރޭގަނޑުގެ ހުރިހާ ހަރަކާތެއް ފަސް ކުރުމަށް ނިންމީ ކަމުގައެވެ.
މޫސުން ރަނގަޅުވުމުން މި ފެސްޓިވަލް ބާއްވާނެ ތާރީހެއް ކަނޑައެޅުމަށްފަހު އަންގާނެ ވާހަކަ ދަންނަވަމެވެ.
މިނިސްޓްރީގެ ބަޔާނުގައި ބުނެފައި ވެއެވެ.
ރޭގަނޑު ބޭއްވުމަށް ހަމަޖައްސާފައިވަނީ މިއުޒިކް ޝޯވ އާއި، ލޭޒާ ޝޯވ އަދި ބަޑިބޭހުގެ ކުޅިވަރުތަކެވެ.
މިނިސްޓްރީން ބުނެފައިވަނީ މޫސުން ރަނގަޅުވުމުން، ފެސްޓިވަލް ބާއްވާނެ ތާރީހެއް ކަނޑައަޅާނެކަމަށެވެ.
