އަންނަ މާރޗްމަހުގެ 1 ވަނަ ދުވަހުން ފެށިގެން ރާއްޖޭގައި އެއަރ އެއައެމްބިުލަންސްގެ ޚިދުމަތް ފެށުމަށް ނިންމައިފިއެވެ.
މިކަން ހާމަ ކޮށްފައިވަނީ، އިއްޔެ ބޭއްވުނު ކެބިނެޓް ބައްދަލުވުމުން ނިންމުންތައް ހާމަ ކުރައްވަމުން މިއަދު ރައީސް އޮފީހުގައި ބޭއްވުނު ނޫސްވެރިންގެ ބައްދަލުވުމުގައި ރައީސް އޮފީހުގެ މިނިސް ނާޒިމްއެވެ.
އިއްޔެ ބޭއްވުނު ކެބުނެޓް ބައްދަލުވުމާއި ގުޅޭގޮތުން ނޫސްވެރިންނަށް މައުލޫމާތު ދެއްވަމުން ނާޒިމް ވިދާޅުވީ ސަރުކާރުގެ ނިންމުމަކީ ހާލަތާއި ގުޅޭގޮތުން ޑޯނިއަރވެސް ބޭނުން ކުރަންޖެހޭ ހާލަތެއް އަތުވެއްޖެނަމަ ބޭނުން ކުރާކަމަށާއި، އެހެންނަމަވެސް ކެބިނެޓްގައި މަޝްވަރާ ކޮށްފައިވަނީ އަންނަ މާރޗްމަހުގެ 1 ވަނަ ދުވަހުން ފެށިގެން ރާއްޖޭގައި އެއަރ އެއައެމްބިުލަންސްގެ ޚިދުމަތް ފެށުމަށް ނިންމާފައިވާ ކަމުގައެވެ.
ނާޒިމް އިތުރަށް ވިދާޅުވީ މި ޚިދުމަތް ފެށުމަށް ހަމަޖެހިފައިވަނީ ދެ ފްލައިޓެއް ބޭނުން ކޮށްގެން ކަމަށާއި، ޚިދުމަތް ފަށާނީ، މޯލްޑިވިން އެކަމަށް ޚާއްސަ ކޮށްފައި އޮތް ދެ އެއަރ އެމްބިއުލާސްއެއްގެ ބޭނުން ކޮށްގެން ކަމަށެވެ. މި ބޯޓުތަކުގައި އެއަރ އެމްބިއުލާންސަކަށް ބޭނުންވާ ހުރިހާ ޚިދުމަތްތަކެއް ހުންނާނެ ކަމަށާއި، މި ޚިދުމަތް ދައުލަތުގެ ބަޖެޓުންވެސް ޚަރަދު ކުރާނެކަމަށް އޭނާ ވިދާޅުވިއެވެ. އޭނޭ އިތުރަށް ވިދާޅުވީ މި ޚިދުމަތް ފޯރުކޮށް ދިނުމުގެ ޝައުގުވެރިކަން ހުރި އަމިއްލަ ފަރާތްތައްވެސް ތިބިކަމަށެވެ.
މިއަދު ނޫސްވެރިންގެ ބައްދަލުވުމުގައި ނޫސްވެރިއަކު ކުރި ސުވާލަކަށް ޖަވާބު ދެއްވަމުން ނާޒިމް ވިދާޅުވީ، ރާއްޖޭގައި މިހާރު އޮތް ޑޯނިއަރ މަތިންދާ ބޯޓު ބޭނުން ނުކުރުމަށް ސިޔާސަތެއްގެ ގޮތުގައި ސަރުކާރުން ނިންމާފައި ނުވާކަމުގައެވެ.
ރާއްޖޭގައި މިހާރު އޮތް ޑޯނިއަރ މަތިންދާ ބޯޓު، މިހާރު އައްޑޫގައި ކުރިޔަށްދާ ސާރޗް އެންޑް ރެސްކިއު އޮޕަރޭޝަންގައި ބޭނުން ނުކުރާތީ ގިނަ ބައެއްގެ ފާޑުކިއުން ދަނީ ސަރުކާރަށް އަމާޒު ވަމުންނެވެ.
ސަރުކާރުގެ ސިޔާސަތެއްގެ ގޮތުގައި އިންޑިއާއިން ދީފަ އޮތް ޑޮނިއަރ ބޭނުން ނުކުރުމަށް ކެބިނެޓްގައި މަޝްވަރާ ކޮށްފައި ނުވާކަމަށްވެސް ރައީސް އޮފީހުން މިއަދު ބޭއްވި ނޫސްވެރިންގެ ބައްދަލުވުމުގައި ރައީސް އޮފީހުގެ މިނިސްޓަރު ވިދާޅުވެއްޖެއެވެ.
