ރަސްމާލޭގެ ނަމުގައި ފުށިދިއްގަރު ފަޅު ހިއްކައި މާލެ އާއި ރާއްޖޭގެ ލޮބުވެތި ރައްޔިތުންގެ ބޯހިޔާވަހިކަމަށް ދާއިމީ ހައްލު ހޯއްދަވާދެއްވާތީ އެމްޑީޕީން އުޅެނީ ހަޖަމު ނުވެގެންކަމަށް ޕީއެންސީގެ ނައިބުރައީސް އިބްރާހީމް ޝުޖާޢު ވިދާޅުވެއްޖެއެވެ.
ފުށިދިއްގަރުފަޅު ހިއްކައި އެ ތަނުގައި ދިވެހިން ގެދޮރުވެރި ކުރުވުމަކީ ރައީސް ޑރ. މުއިއްޒުގެ އެންމެ ބޮޑު އެއް ވައުދެވެ. ވެލާނާ އިންޓަނޭޝަނަލް އެއާޕޯޓު (ވީއައިއޭ) ގެ ތަރައްގީ އަށް ފަހުގައި އެމަނިކުފާނު ދެވަނަ އަށް އެންމެ އިސްކަން ދެއްވާ މަޝްރޫއަކަށް ވެފައި ވަނީ ވެސް ރަސްމާލެ ތަރައްގީ ކުރެއްވުމެވެ. އެ ފަޅު ހިއްކުމުގެ މަސައްކަތް ރަސްމީކޮށް ފަށާފައިވާ އިރު، ސަރުކާރުގެ އަމާޒަކީ ކުރިއަށް އޮތް އަށް މަސް ދުވަހުގެ ތެރޭގައި އެ ތަން ހިއްކައި ނިންމުމެވެ.
ނަމަވެސް އެމްޑީޕީން ބުނަމުންދަނީ އެއީ ދައުލަތުން ކުރާ އިޝްރާފެއްކަމަށެވެ. އެ މަޝްރޫޢުގެ ބަދަލުގައި ގުޅިފަޅު އަދި ގިރާވަރުފަޅު މަޝްރޫޢުއަށް ޚަރަދުކޮށް ބޯހިޔާވަހިކަން ގެނެސްދިނުމަށް އެޕާޓީން އަންނަނީ ސަރުކާރަށް ގޮވާލަމުންނެވެ.
އެކަމަށް ރައްދު ދެއްވާ ޝުޖާޢު ވިދާޅުވީ، އެމްޑީޕީން މިހާރު އެއުޅެނީ ފާފު މަޝްރޫޢު ހުއްޓުވި ގޮތައް މިކަންވެސް ހުއްޓުވޭނެ ކަމަށްކަމަށެވެ. ފާފު މަޝްރޫޢުވެސް އެމްޑީޕީން ހުއްޓުވީ”ދޮގު ހަދާގެން“ކަމަށް އޭނާ ވިދާޅުވިއެވެ.
އެމް.ޑީ.ޕީ އަކީ ދޮގަށް ވަރަށް ފަރިތަ ޕާޓީ އެއް.ރައްޔިތުން ތިބޭފުޅުން ދައްކާވާހަކަ މިހާރު ޤަބޫލު ނުކުރޭ
– ޝުޖާޢު ވިދާޅުވިއެވެ.
މި ސަރުކާރުންވަނީ ފުށިދިއްގަތު ފަޅު މި ހަފްތާގައި ހިއްކަން ފަށާފައެވެ. އަދި ކޮންޓްރެކްޓަރ ފައިނޭންސްގެ އުސޫލުން މި ސަރުކާރުން ރަސްމާލެ މަޝްރޫޢު ހިއްކަން ފަށާފައިވަނީ ބިން ހިއްކާ ކުންފުންޏަށް 70 ހެކްޓަރުގެ ބިން ހުޅުމާލެއާއި ފުށިދިއްގަރު ފަޅުން 99 އަހަރަށް ދޭގޮތަށެވެ.
ރައީސް ވިދާޅުވި ގޮތުގައި ފުށިދިއްގަރުފަޅު ހިއްކުމުގެ މަޝްރޫއު ފައްޓަވަން ޖެހުނީ ވަރަށް ދަތި އުނދަގުލުން އެހެން މަގަކުންނެވެ. އަދި އެ މަޝްރޫއު ފެއްޓެވީ ދިވެހި ރައްޔިތުންނާ އެއްކޮޅަށް ހުންނަވައި ކަމުގައި ރައީސް ވިދާޅުވިއެވެ.
ކޮންމެ ފަސް އަހަރަކުން އެއްފަހަރު ސިޔާސީ މީހުންގެ ކަންފަތްބުޑުގައި ސަލާންޖަހާން ނިކަމެތި ޖިފުޓިތަކެއްގައި ދިވެހި ރައްޔިތުން ބައިތިއްބައިފައި މި ތިބި ތިބުމަށް އިރާދަކުރެއްވިއްޔާ އަޅުގަނޑު ދާއިމަށް ނިމުމެއް ގެންނާނަން. އަޅުގަނޑު އަބަދުވެސް ހުންނާނީ ރައްޔިތުންނާ އެއްކޮޅަށް. އަޅުގަނޑު ހުންނާނީ ރައްޔިތުންގެ ފަޅީގައި. ސަބަބަކީ އަޅުގަނޑު ދިވެހި ކޮންމެ ރައްޔިތެއް ދެކެ ވަރަށް ލޯބިވަން.
– ރައީސް ވިދާޅުވެފައިވެއެވެ.
One Response
އެމްޑީޕީން ކަންބޮޑުވަނީ މާލޭސަރަހަށްދުން ދީފައިވާ ގޯތިތަށްނުދީ ވަށަަރު ފަރު ސަރަހަށްދަށް ބަދަލު ކުރާނެތީ ހޮޅިމުއީޒު އަކީފާޑެއްގެ މީހެއް