ރައީސް ޔާމިންގެ ފަރާތުން ހޯއްދެވުމަށް އެދިލެއްވި ލުޔަކީ ގެއަށް ނުވަތަ ނިވަތަ އޮފީހަށް ނޫސްވެރިޔަކު އައިސް ކުރާ ސުވާލުތަކަށް ޖަވާބު ދިނުން ނުވަތަ ބަސްދީގަތުން ދިނުމުގެ ހުއްދައިގެ އިތުރުން ރައީސް ޔާމިނާއި ބައްދަލުކުރުމަށް އެދޭ މީހުންނާ އަމިއްލަ ގެއިން ބަދަލުުކުރުމަކީ އެންމެ ފަސޭހަގޮތް ކަމަށް ނުވާނެތީ ބައްދަލުކުރަން އެދޭ މީހުންނާއި އެމަނިކުފާނު ނިސްބަތްވާ ޕާޓީގެ އޮފީހުގައި ބައްދަލުކުރުމުގެ ހުއްދައަށް ކަމުގައި ރައީސް ޔާމިންގެ ގާނޫނީ ވަކީލު އާދަމް ޝަމީމު ވިދާޅުވެއްޖެއެވެ.
އާދަމް ޝަމީމު ކުރެއްވި ޓުވީޓެއްގައި ވިދާޅުވީ މިހާރުވެސް ދީފައިވާ ލުއިތަށް ދިން ގޮތަށް މި ލުއިތަށް ދިނުމަކަށް ވެސް ޤާނޫނީ ގޮތުން އެއްވެސް ހުރަހެއް ނެތް ކަމަށާއި އެ ލުއިތަށް ދިން ގޮތަށް މި ލުއިތަށް ވެސް ދެވޭނެ ކަމުގައެވެ.
ކުރީގެ ރައީސް ޔާމިން އެމަނިކުފާނު އަލަށް އުފައްދަވާ ޕީޕަލްސް ނެޝަނަލް ފްރަންޓް (ޕީއެންއެފް)ގެ އޮފީހަށް ވަޑައިގެންނެވި މައްސަލަ ބަލުމުންދާ ކަމަށްވެސް ކެރެކްޝަންސްއިން ބުނެފައިވެއެވެ. އެހެންނަމަވެސް އެމައްސަލަތަކާއި ގުޅުންހުރި އިތުރު މައުލޫމާތެއް ފަހުން ކަރެކްޝަންސްއިން ހާމަކޮށްފައެއް ނުވެއެވެ.
ކަރެކްޝަންސްގެ މީޑިއާ އޮފިސަރު ފަހުން ވިދާޅުވީ، ރައީސް ޔާމީންގެ ބަންދަށް ލުއިތަކެއް ހޯދުމަށް އެދިފައިވީނަމަވެސް، ނަމަވެސްޤާނޫނީ ފުށު އެރުންތަކެއް ހުރުމުން އިތުރު ލުއިތަކެއް ދެވެން ނެތްކަން އަންގާފައިވާ ކަމަށެވެ.
