ހުޅުމާލޭ ސެންޓްރޯ މީލްގެ ލިފްޓް ތެރޭގައި ފުރާވަރުގެ ކުއްޖަކަށް ހަމަލާދީފައިވާކަމަށް ބުނެ ސޯޝަލް މީޑިއާގައި މައުލޫމާތު ފަތުރަމުންދިޔަ ނަމަވެސް، އެފަދަ މައްސަލައެއް ފުލުހުންނަށް މިހާތަނަށް ހުށަހެޅިގައި ނުވިނަމަވެސް، އެފަދަ ކަމެއް ހިނގާފައިވޭތޯ ކަށަވަރު ކުރަމުންދާ ކަމުގައި ފުލުހުން ބުނެފިއެވެ.
މިކަމާއި ގުޅިގެން ފުލުހުން އާންމުކުރި މީޑިއާ ސްޓޭޓްމަންޓެއްގައި ބުނެފައިވަނީ، އެފަދަ ކަމެއް ހިނގާފައިވޭތޯ ބެލުމަށް އެކަން ހިނގިކަމަށް ބުނާ ތަނާއި ސަރަހައްދު ބަލައި، އެފަދަ ކަމެއްގެ މަންޒަރު ފެނުނު މީހަކުވޭތީ ނުވަތަ އެފަދަ ކަމެއްގެ މައުލޫމާތު ލިބިފައިވާ މީހަކު ވޭތޯ ބެލުމަށް އެސަރަަހައްދުން މީހުންނާ ސުވާލު ކުރެވިފައިވާ ކަމުގައެވެ.
އޭގެ އިތުރުން ހޮސްޕިޓަލްތަކާއި ކުލިނިކްތަކަށް ފަރުވާ ހޯދުމަށް ދައްކާފައިވޭތޯ ބެލުމާއި އެ ސަރަހައްދުން ލިބެންހުރި ސީސީޓީވީ ފޫޓޭޖު ބެލުމުގެ މަސައްކަތް ފުލުހުން ކުރަމުދާކަމުގައިވެސް ބުނެފައި ވެއެވެ.
މިކަމާއި ގުޅުންހުރި އެއްވެސް މައުލޫމާތެއްވާނަ 3322111 ނަމްބަރު ފޯނަށް ގުޅާ އެމައުލޫމާތެއް ހިއްސާކުރުމަށްވެސް ފުލުހުން އެދިފައި ވެއެވެ.
ކޮމެންޓު ފޮނުވާ