އެމްޑީޕީގެ ކުރީގެ ޗެއަރޕާސަން އަދި ކުރީގެ ޓޫރިޒަމް މިނިސްޓަރ އަލީ ވަހީދު އެމްޑީޕީއަށް ސޮއި ކޮށްފިއެވެ.

އަލީ ވަހީދު ކުރި ޓުވީޓެއްގައި ވިދާޅުވެފައިވަނީ، 7 އަހަރާ 7 ދުވަހަށްފަހު އޭނާ އެނބުރި އެމްޑީޕީއާ ގުޅިއްޖެ ކަމަށާއި، އެނބުރި އައީ އޭނާގެ އަމިލަ "ގެއަށް" ކަމަށެވެ.

After 7 years and 7 days, today I have returned home to be a proud member of MDP 💛

އިރާދަފުޅުން އެމް.ޑީ.ޕީ އަށާއި މުޅި ރާއްޖެއާއި ރާއްޖޭގެ ރައްޔިތުންނަށް ކާމިޔާބަށް އެދި ހިތްވަރާއި މުރާލިކަމާއެކު ޚިދުމަތް ކުރާނަން 💛 pic.twitter.com/28ObMbz42p

— Ali Waheed (@ali20waheed) December 7, 2023

އަލީވަހީދު ވަނީ ރައީސް ސާލިހުގެ ފުރަތަމަ ކެބިނެޓްގެ ޓުއަރިޒަމް މިނިސްޓަރުކަން ކުރައްވާފައެވެ. އެހެންނަމަވެސް ރައީސް ސާލިހު އޭނާ ވަޒީރުކަމުން ވަކި ކުރެއްވީ ޖިންސީ ގޯނާގެ ތުހުމަތުގައެވެ. އެއަށްފަހު ކޯޓުން އޭނާ ހައްޔަރު ކުރުމުގެ އަމުރުވެސް ނެރެފައިވަނިކޮށް އޭނާ ފުރައިގެން ދިޔައީ އިނގިރޭސިވިލާތަށެވެ.

އިނގިރސިވިލާތުގައި އުޅުއްވުމަށްފަހު އޭނާ އެނބުރި ރާއްޖެ ވަޑައިގެންނެވީ ފާއިތުވި ރިޔާސީ އިންތިޚާބުގެ ކުޑަ ދުވަސްކޮޅެއް ކުރިންނެވެ. ރިޔާސީ އިންތިޚާބުގައި އޭނާ މަސައްކަތް ކޮށްފައިވަނީ ޖުމުހޫރީ ޕާޓީގެ ލީޑަރ ގާސިމް އިބުރާހިމްއާއެކީއެވެ.

އެހެންނަމަވެސް ރިޔާސީ އިންތިޚާބުގެ ފުރަތަމަ ބުރުން ގާސިމް އިބުރާހިމަށް މާބޮޑު ކާމިޔާބެއް ނުލިބުމުން ފަހުބުރުގައި އޭނާ އެއްވެސް ކެނޑިޑޭޓަކަށް ތާއީދު ކޮށްފައެއް ނުވެއެވެ.