އަންނަ މަހު ރިލީޒް ކުރުމަށް އިއުލާން ކޮށްފައިވާ ސްޕަސްޓާރު ޝާހުރުކް ހާންގެ މި އަހަރުގެ ތިންވަނަ ފިލްމް "ޑަންކީ" ގެ އިތުރު ލަވައެއް ބެލުންތެރިންނަށް ދޫކޮށްލައިފިއެވެ.
މި ލަވައިގެ އޯޑިއޯ ދޫކޮށްލި އިރުގައި މީ ވަރަށް އަސަރުގަދަ ލަވައެކެވެ. މި ލަވަ ކިޔައިފައިވަނީ ސޯނޫނީ ގަމް އެވެ. މިއުޒިކް ތައްޔާރު ކޮށްފައިވަނީ އެފަދަ ދެވަނައެއް ނުވާ ޕްރިތަމް އެވެ. މި ލަވައިގެ ނަމަކީ "ނިލްކޭ ކަބީ ހަމް ގަރްސޭ"އެވެ.
"މުންނާބާއީ" އާއި 3 އިޑިއަޓްސް" އާއި ޕީކޭ" އަދި "ސަންޖޫ" ގެ ޑައިރެކްޓަރު ރާޖްކުމާރު ހިރާނީ ހަދާފައިވާ މި ފިލްމުން ބެލުންތެރިިންނަށް ދޫކޮށްލި ފުރަތަމަ ލަވަ އަކީ ޝާހްރުކްގެ ނެށުންތަކެއް ފެނިގެންދާ އަދި ބަތަލާ ތާޕްސީ ޕައްނޫގެ ހަރަކާތްތަކެއް ވެސް ފެންނަ "ލުޓް ޕުޓް ގަޔާ" އެވެ.
"ޑަންކީ" އަކީ މިއަހަރުގެ ޑިސެމްބަރު މަހުގެ 22 ވަނަ ދުވަހުގައި ރިލީޒް ކުރުމަށް ތާވަލު ކޮށްފައިވާ ފިލްމްއެކެވެ. މި ފިލްމް އަކީ ސްޕަސްޓާރު ޝާހުރުކް ހާން ލީޑުން ފެނިގެންދާނެ ފިލްމްއެކެވެ. ޝާހު އާއި އެކުގައި ދެން ފެނިގެން ދާނީ ތާޕްސީ ޕަންނޫއެވެ.
"ޑަންކީ" އަކީ ހިޖުރަކުރުމާ ގުޅޭ ގޮތުން ހަދާފައިވާ ސޯޝަލް ކޮމެޑީއެކެވެ. "ޑަންކީ" ގެ ކާސްޓްގައި ތާޕްސީ ޕައްނޫ، ބޮމަން އިރާނީ، ސަތިޝް ޝާހްގެ އިތުރުން ހާއްސަ ފެނިލުންތަކުގައި ވިކީ ކޯޝަލް އާއި ދަރުމެންދުރާ ވެސް ހިމެނެ އެވެ.
