ވެރިކަންކުރާ ޕީއެންސީއާއި އެކީ އެއް ކޯލިޝަނެއްގައި އޮތް ޕީޕީއެމްގެ ހިންގުން އެޕާޓީގެ ރުހުން ނެތި ޚާއްސަ ކޮމިޓީއަކާއި ހަވާލު ކޮށްފިއެވެ.
ޕީޕީއެމްގެ ލީޑަރޝިޕްގެ ބޭފުޅުން ނުހިނަމަނާ އެޕާޓީގެ ހިންގުން ވަކި ކޮމިޓީއަކާ ހަވާލު ކޮށްފައިވަނީ މިހާރު ގޭބަންދުގައި ހުންނެވި ކުރީގެ ރައީސް ޔާމިންގެ އެންގެވުމަށެވެ. ޕާޓީ ހިންގުމަށް ޔާމިން ހަމަޖެއްސެވި ކޮމިޓީގެ އިސްބޭފުޅުންގެ ގޮތުގައި ތިއްބެވީ ކުރީގެ ނާއިބު ރައީސް ޖިހާދުގެ އިތުރުން ކުރީގެ ކޮމިޝަނާ ޖެނެރަލް އޮފް ކަސްޓަމްސް އައްބާސް އާދިލް ރިޒާއާއި ކުރީގެ ޔޫތު މިނިސްޓަރ މަލީހު ޖަމާލްއެވެ.
މި ކޮމިޓީގެ އެންމެ އިސް ބޭފުޅެއްގެ ގޮތުގައި ހަމަޖެއްސެވީ ނައިބު ރައީސް ޖިހާދެވެ. އިދާރީ ގޮތުން އެންމެ އިސް ބޭފުޅެއްގެ ގޮތުގައި ހަމަޖައްސަވާފައިވަނީ މަލީހުއެވެ. ޕާޓީ ހިންގަން ޔާމިން އެކުލަވާލެއްވި ސްޓިއަރިން ކޮމިޓީގައި ޖިހާދުއާއި، މަލީހުއާއި އައްބާސް އާދިލް ރިޒާއާ އެކުގައި 12 މެމްބަރުން ތިއްބަވައެވެ. އެ ކޮމިޓީގައި ޕީޕީއެމްގެ ލީޑަޝިޕްގެ އެއްވެސް ބޭފުޅަކު ހިމެނިވަޑައިނުގަންނަވައެވެ.
ޕީޕީއެމްގެ ސެނެޓްގެ ނިންމުމެއް ނެތި. އަދި ލީޑަރޝިޕްގެ ބޭފުޅުންގެވެސް ބައިވެރިވުމަކާ ނުލާ އުފެއްދި މި ކޮމިޓީން ރޭވަނީ ނޫސްވެރިންގެ ބައްދަލުވުމެއް ބާއްވާފައެވެ. މި ބައްދަލުވުމުގައި ވާހަކަ ދައްކަމުން މަލީހު ވިދާޅުވީ ޕާޓީގެ އެންމެ އިސް ބޭފުޅުން މިވަގުތު ތިއްބެވީ ސަރުކާރުގެ އިސް މަގާމްތަކުގައި ކަމަށާއި، ޕާޓީ ހިންގުމަށް އެބޭފުޅުންނަށް ވަގުތު ނުވާކަމުގައެވެ.
އަދި އޭނާ ވިދާޅުވީ އެ ކޮމިޓީ އަައްޔަން ކޮށްފައިވަނީ ޕާޓީގެ ރައީސަށް ލިބިދޭ ބާރުގެ ދަށުން ކަމަށާއި، އެކޮމިޓީގެ މަސައްކަތަކީ އެ ޕާޓީ އިތުރަށް ހަރުދަނާ ކުރުން ކަމުގައެވެ. އަދި ޕާޓީއާއި ގުޅުންހުރި ކަންކަމުގައި ދެން ގުޅަންޖެހެނީ ޕާޓީގެ ފޯކަލް ޕޮއިންޓްތަކަށް ކަމަށްވެސް އޭނާ ވިދާޅުވިއެވެ.
އެހެންނަމަވެސް ގާނޫނުގައި ވާގޮތުން ކުރީގެ ރައީސް ޔާމިން ޖަލު ހުކުމުގައި ހުންނަވަނިކޮށް ޕީޕީއެމްގެ ރައީސްކަމުގައި ނުހުންނެވޭނެއެވެ. އެހެންކަމުން ޕާޓީގެ ސެނެޓްގެ ރުހުންނެތި ރައީސް ޔާމިން ކޮމިޓީއެއް އައްޔަން ކުރި ގޮތެއް މަލީހު ވިދާޅުވެ ދެއްވާފައެއް ނުވެއެވެ.
ރޭގެ ނޫސްވެރިންގެ ބައްދަލުވުމުގައި ވާހަކަ ދައްކަވަމުން އައްބާސް އާދިލް ރިޒާވަނީ ޕީޕީއެމްގެ ތަރުޖަމާން ހީނާ ވަލީދު އެ މަގާމުން އިސްތިއުފާ ދެއްވި ކަމަށްވެސް ވިދާޅުވެފައެވެ. އެހެންނަމަވެސް ހީނާވަނީ ފަހުން އެވާހަކަ ދޮގު ކުރައްވާފައެވެ.
ހީނާ އިސްތިއުފާ ދެއްވިކަން އައްބާސް އިއުލާނު ކުރެއްވުމާއި އެކީ ޕީޕީއެމްގެ މީޑިއާ ގްރޫޕުގައި ނުސްވެރިން ވަނީ އެކަމާއި ގުޅޭ ގޮތުން ހީނާއާއި ސުވާލު ކޮށްފައެވެ. އެ ސުވާލުތަކާއި ގުޅިގެން ރާއްޖޭން ބޭރުގައި މިވަގުތު ހުންނެވި ހީނާ ވަނީ ޕީޕީއެމްގެ ތަރުޖަމާނު ކަމުން އިސްތިއުފާ ދިން ވާހަކަ ދޮގު ކުރައްވާފައެވެ.
2 Responses
ކިހާ ދެރަކަމެއްތީ، ސަރުކާރު ރަނގަޅަށް ފެންވަރާ ފުނާ ނާޅަނީސް އަނެއްކާ ހައިޖާނުދޯ. ބުނަންތަ މަމެން މިތިބީ ރައީސް މުޢިއްޒާއެކު ގަދަކޮށް، އިހަށް މައިތިރިވެ ފުރުޞަތުދީ، އަދި ތިގޮތަށް އުޅެން އަވަސް،
ހަގީގަތް ހާމަ ވަނީ އެވެ! އެއީ ލިބޭ ބާރަކުން ފޮރުވޭނެ އެއްޗެއް ނޫނެވެ!!
ދިވެހި ރައްޔިތުން ވަރަށް ސަމާލުވެ ހުޝިޔާރު ވާށެވެ! އަޑުއަހާށެވެ!!
ދިވެހިރާއްޖޭގައި އޮތް އެންމެ ބޮޑު ދެޕާޓީ ތެރެއިން އެއްޕާޓީ އަކީ ޕީޕީއެމް އެވެ. އިލެކްޝަންސް ކޮމިޝަނުން މިކަމަށް ހެކި ވާނެއެވެ. ޕީޕީއެމްގެ ރައީސް އަކީ ރައީސް ޔާމީނެވެ. ޕީއެންސީ ވުޖޫދު ކުރެއްވީ ވެސް ރައީސްޔާމީނެވެ. އެއީ ޕީޕީއެމް ކޯލިޝަނެއްގެ ގޮތުގައި ބާއްވައި ގެން އެއްބާރެއްގެ ގޮތުގައި ކުރިޔަށް ދާށެވެ!!
ގާނޫނުތައް ހުރި ގޮތުން ޕީއެންސީ އަކީ މުސްތަގިއްލު ވަކި ގާނޫނީބޮޑިއަކަށް މިއަދު މައްކާރު ބަޔަކު ހަދައި ގަތަސް، އެއީ ހަމަ އުފެދުމުގައި ޕީޕީއެމް އެވެ. އެއް ބޮޑީއެކެވެ. އެއް ހަޑިގަނޑެކެވެ. ހަގީގަތް އޮޅުވާލުމަކީ މަގްސަދު ގެއްލި ފަސާދައަށް ދޮރު ހުޅުވުމެވެ. ފަހެ، އެއީ ކުރުން މަނާ ކުރައްވާފައިވާ ދަރުމައެއް ނުވާ އަމަލެކެވެ!!
އަދުރޭ އާއި އޭނާ ބޮލަށް އެރި ތިބި މާފިއާ ބަޔަކު މަގުފުރެދި އަމިއްލަ ބާރުގެ ދަށަށް ޕީއެންސީ ގެންދިޔަ ކަމުގައި ވިޔަސް، ފަހެ، މި ހަގީގަތް ދިވެހި ރައްޔިތުން އަބަދު ވެސް ދަންނާން ވާނެއެވެ. ފަހެ، ރަނގަޅަށް ދަންނާށެވެ. ހަނދާނުގައި ބަހައްޓާށެވެ. ގައުމުގައި ފަސާދައަށް ދޮރާއްޓެއް ހުޅުވުމަށް ތާއީދުދީ އެ މަގު ފަހި ނުކުރާށެވެ!!
އާދެ! ލޮބުވެތި ރައްޔިތުން ނެވެ!! ލޮބުވެތި ރައްޔިތުން، ޕީޕީއެމް ކޯލިޝަނަށް ވޯޓު ދެއްވައި ގެން ރާއްޖޭގެ ވެރިކަން ޕީޕީއެމް ކޯލިޝަނަށް ދެއްވި ދެއްވުން، މަތީ ތެދުވެރިކަމާ އެކު، މިފަސް އަހަރު ދެމި ތިއްބަވާށެވެ! މިސަރުކާރަކީ ރައީސްޔާމީނަށް ޕީޕީއެމް އަށް ހަވަރުން ދެއްވި ސަރުކާރެކެވެ! އޭގެ އަސްލު، ހަގީގީ ގޮތުގަ އެވެ!!
އެހެނަސް މި ފެނުނު ހަގީގަތަކީ އަދުރޭ ބާރުތައް އަތަށް ކަހާލައިގެން އަމިއްލަ ރަސްކަމެއް، ޑޮކް މޫ "ބޮޑުރަސްގެފާނު" ލައިގެން ލިބުނު ހަނި ފުރުސަތުގައި ފެށިތަނެވެ. ކޮންމެ އަކަސް މިހާރު މި އޮތް ރައީސް މުއިއްޒުގެ ވެރިކަމަކީ، ހަމަ ކަށަވަރުން ވެސް ޕީޕީއެމް ގެ ވެރިކަމެކެވެ. މުގުލަކީ ރައީސް ޔާމީނެވެ! މުޅި އޮޑީގެ މޭސްތިރި އަކީ ރައީސް ޔާމީނެވެ! ރާއްޖޭގައި މިއަދު މިއޮތީ ރައީސް ޔާމީނަށް، އާދެ، ޕީޕީއެމް އަށް، ދިވެހި ރައްޔިތުން ދެއްވި ވޯޓުން ހިވުނު ވެރިކަމެކެވެ! ސަރުކާރެކެވެ!!
ވީމާ މިވެރިކަން ކުރިޔަށް ގެންދެވެން ޖެހޭނީ ޕީޕީއެމް ގެ ރައީސް، ރައީސް ޔާމީނުގެ ގިޔާދަތުގެ ދަށުންނެވެ. އެގޮތުގެ މަތީންނެވެ. އަދި ޕީޕީއެމްގެ ރައީސް ދެއްވާ ލަފާޔާއި އިރްޝާދުގެ ދަށުންނެވެ. ފަހެ، ޕީޕީއެމް ވަރު ގަދަކޮށް އާބާރަކާ އެކު ކުރިޔަށް ގެންދިއުމަށް އެދެމެވެ. ގޮވާލަމެވެ. ރައީސް ޔާމީނަށް އެކަން ކުރެއްވޭނެއެވެ. މިއަދުގެ ނޫސްވެރިންގެ މި ކޮންފަރެންސުން ސިޔާސީ އައު އުދަރެސް އުޖާލާކޮށް ދީފިއެވެ!!
އަދުރޭރަސްކަމުގެ މި ސަރުކާރުގެ މުހިންމު މަގާމުތަކުގައި މިސާލަކަށް ޑިފެންސް، ހޯމް މިނިސްޓްރީ، އަދި ފަތުރުވެރިކަމާއި މާލީ ވުޒާރާ ފަދަ ވުޒާރާ ތަކުގައި ތިބެން ޖެހޭނީ ސީދާ ޕީޕީއެމްގެ މެމްބަރުންނެވެ. އަދުރޭރަސްކަން ފަސް ނުޖެހި ނައްތާލަން ޖެހެއެވެ. ބާރުކަނޑުވާލަން ޖެހެއެވެ. ޕީއެންސީ، އާދެ، ޕީޕީއެމްގެ ދަށަށް ގެނެސް އެއްގިޔާދަކަށް ގެނެވެން ޖެހޭނެވެ. ނޫނީ ޖެހޭނީ ނިމޭށެވެ! ނެތޭށެވެ! އެއީ އަސްލެވެ!!
ފުޅާކޮށް ޕީއެންސީ އަމިއްލަ ގާނޫނީ ބޮޑީއެއްގެ ގޮތުގައި ކުރިޔަށް ގޮސްފި ނަމަ، ހަގީގަތަކީ ރައްޔިތުންނަށް ބޮޑު އޮޅުވާލުމެއް ގަސްދުގައި ޕީއެންސީ ނަމުގައި ބަޔަކު ނުކުމެ ރައްޔިތުންނަށް އޮޅުވާލީއެވެ. އަދި ދައުލަތުގެ ގާނޫނީ ސަރުކާރުގެ ބިންގާ ފުނޑާލާއި ރެނދުއަޅުވާ ލީއެވެ!!
އެމްޑީޕީ އާއި ރައްޔިތުން ނުކުމެ މި ފަސާދަރަސްކަން ހަމަމަގަށް އަޅުވަން އެހިސާބުން މަޖްބޫރުވީއެވެ. މުހިންމު ވުޒާރާތަކަށް ޕީޕީއެމް މެމްބަރުން ނޫން މީހުން ލާން ކުޅެފި ނަމަ، އަސްލަށް ބަލާފައި ރުހުން ނުދޭންވީއެވެ. އަދި މިވަރުން މައިތިރި ނުވެއްޖެ ނަމަ، "އަދުރޭގެރަސްކަން" އާދެ މި ވެރިކަން ބަދަލުކޮށް އަލުން އިންތިޚާބަކަށް ދާންވީއެވެ! ދައުލަތުގެ ބާރު ވަކިކޮށްފައި އޮންނަނީ މި ބޭނުމުގައެވެ!!
ހަގީތަކީ ރުޖޫއަ ވުމަށެވެ. އާދެ! ޕީއެންސީ މިބައިގަނޑަކީ ޕީޕީއެމް އަށް،އަދި ރައީސް ޔާމީނަށް ޣައްދާރުވި ޚަވާރިޖުން ގޮތުގައި ނިންމަންވީއެވެ. އަދި އެގޮތުގައި އާބާރަކާ އެކު ޕީޕީއެމް ކުރިޔަސް ދާންވީއެވެ! ފަހެ، އެމްޑީޕީން އެއްބަސްވެ އެއްވެސް ކަހަލަ ރުހުމެއް ނުދޭންވީއެވެ. އެހެނީ މިހާރު ރާއްޖެއަށް އައިސްފައި މި އޮތް ސަރުކާގެ ވުޖޫދުވުން އޮޅުވާލާއި މުބްހަމް ވެފައި ވާތީއެވެ!!
އަދި އެކަމުގެ ހަގީގަތްތައް އެކިޔައި ދެމުން އެގެންދަވަނީ،ސީދާ ޕީޕީއެމް އިން، ރައީސް ޔާމީނު ކަމުގައި ވާތީއެވެ! ރައީސް ޔާމީން ތިޔަ ނެންގެވި ކޮމެޓީއަށް ފަށްފަށުން ސާބަސް ދެމެވެ!! ސާބަހެވެ!! ބާރަށް ކުރިޔަށް!! ބާރަށް ކުރިޔަށް!! ކުރިޔަށް!!
ފަސްބެލުން ނެތި ޕީޕީއެމް ރައީސް، ރައީސްޔާމީނުގެ ޒައާމަތުގައި ބާރަށް ކުރިޔަށް ދާންވީއެވެ! ދެވޭނެއެވެ! އަހުރެން މިވާހަކަތައް މިއަދު މިދައްކަނީ، އަދި މިބުނަނީ، އަހުރެންނަކީ ވެސް ދިހައަހަރަށް ވުރެ ގިނަ ދުވަހު ޕީޕީއެންގައި ރައީީސް ޔާމީނުއަތަށް މެމްބާޝިޕް ފޯމް އެރުވުމަށް ފަހު، އެދުވަހުން ފެށިގެން އާދައިގެ ޕީޕީއެމް މެމްބަރެއްގެ ގޮތުގައި ދެމިހުރި މީހަކަށް ވާތީ، ފަހެ، އެ ހައިސިއްޔަތުން ނެވެ!! މަރްހަބާ!!
🇲🇻⚔️🇲🇻