ކުރިޔަށް އޮތް ރައްޔިތުންގެ މަޖިލިހުގެ އިންތިޚާބުގައި ވާދަކުރުމަށް ޖުމުހޫރީ ޕާޓީން ދެ ޕާޓީއަކާ މަޝްވަރާ ކުރުމަށް ނިންމައިފިއެވެ.
ޖުމުހޫރީ ޕާޓީން މިގޮތަށް ނިންމާފައިވަނީ އިއްޔެ ބޭވުނު އެޕާޓީގެ ކައުންސިލްގެ 161 ވަނަ ބައްދަލުވުމުގައެވެ. އެބައްދަލުވުމަށް އެޖެންޑާ ކުރެވިފައިވަނީ 2024 ވަނަ އަހަރު ބޭއްވުމަށް ހަމެޖެހިފައިވާ ރައްޔިތުންގެ މަޖިލިހުގެ އިންތިޚާބުގައި ވާދަކުރުމާއި ގުޅޭގޮތުން އެހެން ޕާޓީތަކާއި މަޝްވަރާކޮށް ގޮތްތަކެއް ނިންމުމެވެ.
ޖޭޕީގެ ކައުންސިލްގެ މެމްބަރަކު "ޚަބަރު އޮންލައިން"އަށް މައުލޫމާތު ދީފައިވާ ގޮތުގައި މަޖިލިސް އިންތިޚާބާއި ގުޅޭގޮތުން ދެ ޕާޓީއަކާއި ރަސްމީކޮށް މަޝްވަރާ ކުރުމަށް ކައުންސިލުން އިއްޔެވަނީ ނިންމާފައެވެ. އަދި އެކަމަށް ކައުންސިލުންވަނީ ކޮމިޓީއެއްވެސް އެކުލަވާލާފައެވެ.
އެހެން ޕާޓީތަކާއެކު މަޝްވަރާ ކުރުމަށް އެކުލަވާލެވުނު ކޮމިޓީގައި ހިމެނޭ މެމްބަރުންނަކީ:
- މާމިގިލީ ދާއިރާގެ މަޖިލިސް ގާސިމް އިބްރާހިމް – ޖޭޕީގެ ލީޑަރު
- ކުރީގެ ޓްރާންސްޕޯޓް މިނިސްޓަރު އައިޝަތު ނަހުލާ – ޖޭޕީގެ ޑެޕިއުޓީ ލީޑަރު
- ކެންދޫ ދާއިރާގެ މެންބަރު އަލީ ހުސެިން – ޖޭޕީގެ މުގައްރިރު
- ރައީސް އޮފީހުގެ ކުރީގެ މިނިސްޓަރު މުހައްމަދު ޝިހާބް
- ވިލިފުށީ ދާއިރާގެ ކުރީގެ މެންބަރު ރިޔާޒު ރަޝީދު
އިލެކްޝަންސް ކޮމިޝަނުން މިހާރު މަސައްކަތް ކުރަމުންދަނީ އަންނަ ރޯދަމަހުގެ ކުރިން، މާރޗް މަހުގެ ތެރޭގައި މަޖިލިސް އިންތިޚާބު ބޭއްވޭތޯއެވެ.
