ރައީސް އިބުރާހިމް މުހައްމަދު ސާލިހުގެ ސަރުކާރުގެ އެންމެ ފަހު ދުވަހު، ސިފައިންނާ ފުލުހުންގެ އާ މުސާރައިގެ އޮނިގަޑު އެ ދެމުވައްސަސާއަށް ފޮނުވައިފިއެވެ.
ރައީސް އޮފީހުގެ ތަރުޖަމާން މިއުވާން މިއަދު "އެކްސް"ގައި ކުރި ޕޯސްޓެއްގައި ވިދާޅުވީ، ނެޝަނަލް ޕޭ ކޮމިޝަނުން ފުލުހުންނާއި ސިފައިންގެ މުސާރައިގެ އާ އޮނިގަނޑު އެކުލަވައިލާ އެ އިދާރާތަކަށް ފޮނުވާފައިވާ ކަމަށެވެ.
ފުލުހުންނާއި ސިފައިންގެ މުސާރަ ބޮޑު ކުރުމަކީ ރައީސް ސާލިހުގެ ރިޔާސީ ވައުދެކެވެ. ރައީސް ސާލިހު އެކަމަށް ވައުދުވެ ވަޑައިގެންނެވީ ފުލުހުންގެ ހިދުމަތަށް 90 އަހަރު ފުރުން ފާހަގަކުރަން މި އަހަރުގެ އޭޕްރީލް 29 ގައި ބޭއްވި ހާއްސަ ރަސްމިއްޔާތުގައި ވާހަކަަފުޅު ދައްކަވަމުންނެވެ.
އޭރު ފުލުހުންނާއި ސިފައިންގެ މުސާރަ ބޮޑުކުރުމުގެ ވައުދު ވެވަޑައިގެންނެވިނަމަވެސް އެ ބަަދަލު ގެންނަވާނެ ދުވަހެއް ރައީސް ސާލިހު ވިދާޅުވެފައެއް ނުވެއެވެ.
ޑރ. މުހައްމަދު މުއިއްޒުވެސް ވަނީ ފާއިތުވި ރިޔާސީ އިންތިޚާބުގެ ކެމްޕޭންގައި ފުލުހުންނާއި ސިފައިންގެ މުސާރައިގެ ދެގުނަ ކޮށްދެއްވާނެކަމަށް ވިދާޅުވެފައެވެ. މުއިއްޒު މިކަމަށް ވައުދުވީ ޕީޕިއެން/ޕީއެންސީން ސެޕްޓެމްބަރު 15 މާލޭގައި ބޭއްވި ކެމްޕާން ރެލީއެއްގައި ވާހަކަ ދައްކަވަމުންނެވެ.
