ޓްރާންސްޕޯޓު މިނިސްޓްރީގައި ރަޖިސްޓްރީ ކުރުމަށް ހެލްތު މިނިސްޓްރީން ފޮނުވި އެމްބިއުލާންސްތަކެއް އެ މިނިސްޓްރީގައި ރަޖިސްޓްރީކޮސްދިނުން ލަސްވެގެން މިނިސްޓްރީގެ ޕާމަނެންޓް ސެކެޓްރީއަށް ކުރި އީމެއިލްއަކާ ގުޅިގެން ޓްރާންސްޕޯޓު މިނިސްޓްރީގެ ނާއިބު ޙަމަދު ޢަބްދުލްޣަނީގެ އީމެއިލް މިނިސްޓްރީން ބޭނުން ނުކުރެވޭ ގޮތް ހަދައިފިއެވެ.
ޓްރާންސްޕޯޓު މިނިސްޓްރީގެ ޕާމަނެންޓް ސެކެޓްރީއަށް ހަމަދު ކުރި އީމެއިލްގައި ވިދާޅުވެފައިވަނީ، ހެލްތު މިނިސްޓްރީން ރަޖިސްޓްރީ ކުރުމަށް ފޮނުވި، ޖަޕާން ސަރުކާރުގެ އެހީގައި ފޯރުކޮށްދީފައިވާ އެމްބިއުލާސްތަކަކީ ބަލިމީހުންނަށް އެމަޖެންސީ އެހީ ފޯރުކޮށްދިނުމަށް ބޭނުންވާ އެއްގަމު އުޅަނދުތަކަށް ވާތީ، އެތަކެތި ރަޖިސްޓްރީ ކުރުމުން ލަސްވެއްޖެނަމަ އެތައްބައެއްގެ ފުރާނައަށް ނުރައްކާވެދާނެކަމަށް ވިދާޅުވެއެވެ.
I’ve reiterated time and time again,@MoTCAmv’s incompetent, incumbent and degenerate Minister fails to realize that I will continue raising my voice.
Disabling and tampering with my mail doesn’t mean that you can silence me.
My last email was worth it, Ambulances registered ✅ https://t.co/RIabNWAhwO pic.twitter.com/SwZJX87W8K
— Hamadh Abdul Ghanee (@GhaneeHamadh) October 30, 2023
އަދި އޭނާ ވިދާޅުވެފައިވަނީ، އެމްބިއުލާންސްތައް ރަޖިސްޓްރީކުރުމަށް ހުށަހަޅާފައިވާ އެޕްލިކޭޝަންގެ މައުލޫމާތު ޓްރާންސްޕޯޓު މިނިސްޓަރގެ އިތުރުން އެ މިނިސްޓްރީގެ ލޭންޑްޑިޕާޓްމަންޓަށްވެސް އެނގޭނެކަމަށާއި، ރަޖިސްޓްރީކުރުން މިހާރުވެސް ލަސްވެފައިވާ އެމްބިއުލާންސްތައް ރަޖިސްޓްރީކުރުން މިނިސްޓްރީއަށް ލިބިފައިވާ ގާނޫނީ އިޚްތިޔާރުތަކުގެ ދަށުން އަވަސް ކުރެވޭނެ ކަމަށެވެ.
އެމްބިއުލާންސް ރަޖިސްޓްރީ ކޮށްދިނުން ލަސްވެގެން ހަމަދު ޝަކުވާކޮށްފައި ވަނިކޮށް، އޭނާގެ މިނިސްޓްރީގެ އީމެއިލް ބޭނުން ނުކުރެވޭގޮތަށް ހަދާފައިވަނީ އީމެއިލް މެދުވެރިކޮށް އޭނާ ޝަކުވާ ހުށަހެޅިތާ އެއްދުވަސް ފަހުން، މިމަހުގެ 19 ވަނަ ދުވަހުއެވެ.
މިމައްސަލާގައި އޭނާ ކުރި ޓުވީޓުގައި ތުހުމަތު ކޮށްފައިވަނީ، އޭނާގެ އީމެއިލް ބޭނުން ނުކުރެވޭ ގޮތް ހަދާފައިވަނީ ޓްރާންސްޕޯޓު މިނިސްޓަރ އަޑީގައި ހުންނަވައިގެން، އެ މިނިސްޓްރީގެ ތެރޭގައި ހިނގާފައިވާ އުސޫލާއި ޚިލާފް ކަންކަމުގެ ވާހަކަ އޭނާ ދައްކަވާތީ އޭނާގެ އަޑު ކަޑުވާލުމުގެ މަގުސަދުގައި ކަމަށެވެ.
އަދި އޭނާ ވިދާޅުވެފައިވަނީ އީމެއިލް ބޭނުން ނުކުރެވޭ ގޮތް ހެދިޔަސް އޭނާގެ އަޑު ކަނޑުވާ ނުލެވޭނެކަމަށެވެ.
ކޮމެންޓު ފޮނުވާ