ހުޅުމާލޭ ލިންކު ރޯޑުގައި ހަރުކޮށްފައިވާ ސޯލާ ޕެނަލްތައް އެތަނުން ނަގައި، އެކަމަށް ޚާއްޞަ ދެ ރަށަކަށް ބަދަލުކުރައްވާނެކަމަށް އިންތިޚާބީ ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.

ހުޅުމާލެ ލިންކް ރޯޑުގައި ގާއިމްކުރާ 5 މެގަވޮޓްގެ ސޯލާ ޕީވީ އިންސްޓޯލްމަންޓަކީ ރާއްޖޭގައި އެއް ގްރިޑެއްގައި މިހާރު ކުރިއަށްދާ އެންމެ ބޮޑު ސޯލާ ޕީވީ އިންސްޓޯލްމަންޓެވެ. ހުޅުމާލޭ ފޭސް1ގެ ރައްޔިތުންނާ ބައްދަލުކުރައްވާ ވާހަކަފުޅު ދައްކަވަމުން ޑރ. މުޢިއްޒު ވިދާޅުވީ، ހުޅުމާލެ ހައިވޭ މިހާރު ފެންނަނީ ވަރަށް ހާސްކަންބޮޑު ތަނެއްގެ ގޮތުގައެވެ. މީގެ ކުރިން ފެނުނު ރީތި ހިތްގައިމުކަމާއި ކަނޑުގެމަންޒަރު އެ ސަރަހައްދުން ނުފެންނާނީ އެކަމުގެ ކަންބޮޑުވުން ފާޅުކުރައްވަމުން އިންތިޚާބީ ރައީސް ވިދާޅުވީ، އިއާދަކުރަނިވި ހަކަތައިގެ މަޝްރޫޢު މުހިންމުކަމަށާއި، އެއީ އެމަނިކުފާނުގެ ސަރުކާރުގައިވެސް އިސްކަން ދެއްވާނެކަމެއްކަމަށެވެ. ނަމަވެސް އެކަން ކުރަން މާ ރަނގަޅު ގޮތްތައް ހުންނާނެކަމަށާއި، އެ ދިގު ރާސްތާގައި ޖަހާފައި ހުރި ސޯލާ ޕެނަލްތައް ނަންގަވާނެކަމަށް އެމަނިކުފާނު ވިދާޅުވިއެވެ. އަދި އެ ޕަނަލްތައް އެތަނުން ނެންގެވުމަށްފަހު، ކުޑަ ނުވަތަ މެދު ސައިޒުގެ އެއް ރަށް ނުވަތަ ދެ ރަށަށް އެ ޕެނަލްތައް ފަނޑުކުރި ފަރާތާއި ވާހަކަ ދައްކައިގެން ބަދަލުކުރައްވާނެކަމަށް އިންތިޚާބީ ރައީސް ވިދާޅުވިއެވެ.

ހައިވޭ މިހާރު ފެންނަނީ ވަރަށ ްޙާސްކޮށްކަމަށް. އެންމެ ރަނގަޅަށް މޫދު ފެންނަ މިުހާރު ނުފެންނަކަމށް. ސޯލާ ޕެނަލް. އިއާދަކުރަނިވި ހަމަކަތައަކީ މުހިންމު އަދި އިސްކަންދޭނެ ސިޔާސަތެއް. އެކަންކުރުމަށްވެސް ރަނގަޅު ގޮތް އޮންނާނެ.

އެ ދިގު ރާސްތާގައި ޖަހާފައިހުރި ޕެނަލްތައް ނަގައި ރާއްޖޭގެ ކުޑަ އަދި މެދު ސައިޒުގެ އެއްރަށް ނުވަތަ ދެ ރަށަށް  ބަދަލުކުރެވޭނެ ފަންޑުކުރި ފަރާތާ މަޝްވަރާކޮށްގެން. އޭގެ ބޭނުން އެންމެ ރަނގަޅަށް ހިފޭގޮތަށް. މިހާރު މި އޮތްއޮތުން ނިމުމަކަށް ގެނުވޭނެ.

– ޑރ. މުޢިއްޒު ވިދާޅުވިއެވެ.

މިއީ ތައިލެންޑްގެ އެންސިސް ކޯ ލިމިޓެޑާ ޙަވާލުކޮށްގެން ކުރިއަށްގެންދާ މަޝްރޫޢެކެވެ. މިއީ ދެމެހެއްޓެނިވި ގޮތެއްގައި އިއާދަކުރަނިވި ހަކަތައިގެ ނިޒާމު ކުރިއަރުވަން އަމިއްލަ ފަރާތްތަކުން ކުރިއަށްގެންދާ އިންވެސްޓްމަންޓްތައް ހަލުވިކުރުމަށް ވޯލްޑްބޭންކުން އެހީވުމަށް ހިންގާ މަޝްރޫޢު – އެސްޕަޔަރގެ އެހީގައި ގިންގާ މަޝްރޫޢެކެވެ.

5 މެގަވޮޓްގެ ސޯލާ ޕީވީ އިންސްޓޯލްމަންޓުން އަހަރަކު ގާތްގަނޑަކަށް 7.3 މިލިއަން ސޯލާ ޔުނިޓް އުފެއްދޭނެކަމށް އެންވަޔަރަމަންޓް މިނިސްޓްރީން ބުނެފައިވެއެވެ. މިއީ 2 މިލިޔަން ލީޓަރުގެ ޑީސަލާ އެއްވަރުގެ ޢަދަދެކެވެ. މިއާއެކު ސަރުކާރުން ތެލަށް ކުރާ ޚަރަދުތަކުން އަހަރަކު 15 މިލިޔަނާއި 20 މިލިޔަނާ ދެމެދުގެ ޢަދަދަކަށް ރުފިޔާ ސަލާމަތްވާނެކަމަށް މިނިސްޓްރީން ބުންޏެވެ.