މިރޭ ރާއްޖޭގެ ހުރިހާ ރަށެއްގައިވެސް ކެތަ ނަމާދު ކުރަން އަންގައިފި

މިރޭ ހަނދު ކޭތަ ހިފާތީ، ރާއްޖޭގެ ހުރިހާ ރަށެއްގެ މިސްކިތެއްގައިވެސް ކޭތަ ނަމާދު ކުރުމަށް އިސްލާމިކް މިނިސްޓްރީން އަންގައިފި އެވެ.

މިރޭ ހަނދު ކޭތަ ހިފަން ފަށާނީ ރާއްޖޭ ގަޑިން 11:01 ގަ އެވެ. މިނިސްޓްރީން ބުނެފައިވަނީ ކޭތަ އެންމެ ބޮޑަށް ހިފާފައި ހުންނާނީ މެންދަމުން އަލިވެ 1:14 ގައި ކަމުގައެވެ. ހަނދު ކޭތަ ވީއްލާނެ ކަމަށް ބެލެވެނީ މެންދަމުން އަލިވެ 3:26 ގައެވެ.

އިސްލާމިކް މިނިސްޓްރީން ކައުންސިލަތަކަށް އަންގާފައިވަނީ ކޮންމެ ރަށެގގައިވެސް ހުންނަ އެންމެ ބޮޑު މިސްކިތުގައި ކޭތަ ނަމާދު ކުރުމަށެވެ. ކޭތަ ނަމާދު ކުރަން އަންގާފައިވާ ގަޑިއަކީ މިރޭގެ 1:15 އެވެ