ބްރޭކްޑާންސިން ނުވަތަ ބްރޭކިން އާއެކު އަލަށް އޮލިމްޕިކް ކުޅިވަރުގެ ގޮތުގައި ހަމަޖެއްސި، ސްކޭޓްބޯޑިން، ސާފިން އަދި ސްޕޯޓް ކްލައިންބިން، 2024 ވަނަ އަހަރު ފްރާންސްގައި ބާއްވާ އޮލިމްޕިކްގައި ތަޢާރަފްކުރަން އިންޓަނޭޝަނަލް އޮލިމްޕިކް ކޮމިޓީ، އައިއޯސީން ނިންމައިފިއެވެ.
މިއީ މީގެކުރިން ރަސްމީކޮށް އޮލިމްޕިކް ކުޅިވަރުގެ ގޮތުގައި ހިމަނާފައިނުވާ ކުޅިވަރު ތަކެކެވެ. ސްކޭޓްބޯޑިން، ސާފިން އަދި ސްޕޯޓް ކްލައިންބިން އަކީ މި އަހަރު ބާއްވަން ތާވަލްކޮށްފައި އޮތް ޓޯކިއޯ އޮލިމްޕިކްގައި ހިމެނުމަށް މީގެ ކުރިންވެސް ނިންމާފައިވާ 3 ކުޅިވަރެކެވެ. ނަމަވެސް މުޅި ދުނިޔެއަށް ކުރިމަތިވި ކޮވިޑް-19ގެ ބަލިމަޑުކަމުގެ ސަބަބުން އަންނަ އަހަރަށް ޓޯކިއޯ އޮލިޕިކްސް ފަސްކޮށް، އަންނަ އަހަރު އެ މުބާރާތް ބާއްވާއިރު މި 3 ކުޅިވަރު ނުހިމަނާގޮތަށް މިހާރު ވަނީ ނިންމާފައެވެ.
މިއާއެކު އައިއޯސީން ނިންމާފައިވަނީ 2024 ވަނަ އަހަރުގެ ޕެރިސް އޮލިމްޕިކްގައި މި 3 ކުޅިވަރު އޮފިޝަލް އޮލިމްޕިކް ކުޅިވަރުގެ ގޮތުގައި ތަޢާރަފްކުރުމަށެވެ. އަދި މީގެތެރެއަށް ބްރޭކްޑާންސިން ވެސް އިތުރުކުރުމަށް އައިއޯސީގެ އެގްޒެކެޓިވް ބޯޑުން ވަނީ ނިންމާފައެވެ.
މީގެ އިތުރުންވެސް ޕެރިސް އޮލިމްޕިކަކީ ތާރީހުގެ ތެރެއަށް ވަދެގެންދާނެ މުބާރާތެއްކަން އައިއޯސީން ފާހަގަކުރެއެވެ. އެގޮތުން އެ މުބާރާތަކީ ޖިންސުގެ ހަމަހަމަ ކަމާއި އެކު ޒުވާނުންގެ ބައިވެރިވުން އިތުރުކުރުމަށް އަމަޒުކޮށްގެން ބާއްވާނެ މުބާރާތެއް ކަން އައިއޯސީން ފާހަގަކުރެއެވެ.
އެމެރިކާގެ ކަޅު ނަސްލުގެ މީހުންގެ ތެރޭގައި 1970ގެ އަހަރުތަކުގެ ތެރޭ ފެށިގެން އައި ބްރޭކްޑާންސް އަކީ މަގުމަތީގައި ކުރިއަށްގެންދާ ނެށުމުގެ ވައްތަރެކެވެ. ނަމަވެސް މިހާރު މި ކުޅިވަރަށްވެސް ރަސްމީ ހައިސިއްޔަތެއް ލިބުމުން ވޯލްޑް ޑާންސް ސްޕޯޓް ފެޑެރޭޝަން ޑަބްލިއުޑީއެސްއެފުން ވަނީ މިކަމަށް މަރުހަބާ ކިޔާފަ އެވެ.
?Great news!!?
The IOC has officially included #Breaking on the sports programme for the #OlympicGames @Paris2024!! ???Breaking will become the first #DanceSport discipline to appear at an Olympic Games!??
Read the full story!? #WeAreDanceSport https://t.co/GwTAKha1Ln pic.twitter.com/vzDPaeQOv5
— World DanceSport (@DanceSportTotal) December 7, 2020
އޮލިމްޕިކްގެ ރަސްމީ ކުޅިވަރެއްގެ ގޮތުގައި ބްރޭކްޑާންސް ހިމެނުމުގެ މަސައްކަތް ފަށާފައިވަނީ 2018 ވަނަ އަހަރު އާޖެންޓީނާގައި ބޭއްވި ޔޫތު އޮލިމްޕިކްގައި ދައްކާލުމުގެ ގޮތުން މި ކުޅިވަރު ހިމެނުމުން ލިބުން ތަރުހީބުގެ ބޮޑުކަމުންނެވެ.
ޕެރިސް އޮލިމްޕިކް އޮނާނީ 2024 ވަނަ އަހަރު ޖުލައި މަހު މެދުތެރޭގައެވެ.
